അരിയും പച്ചക്കറിയും ഇനി വീട്ടിലെത്തും: സപ്ളൈക്കോയുടെ ഹോം ഡെലിവറി സംവിധാനം കോട്ടയത്തും സജീവം: ഈ ലിങ്കിലൂടെ സാധനം ബുക്ക് ചെയ്യാം

സ്വന്തം ലേഖകൻ

കോട്ടയം : കോട്ടയം നഗരത്തിൽ നിത്യോപയോഗ സാധനങ്ങളുടെ ഹോം ഡെലിവറിയുമായി സപ്ളൈകോയും.

ലോക്ഡൗൺ പശ്ചാത്തലത്തിൽ കോട്ടയം നഗര പരിധിയിൽ പലവ്യജ്ഞനങ്ങളും പച്ചക്കറിയും മീനും വീടുകളിലെത്തിക്കാൻ സപ്ളൈകോയും രംഗത്ത് എത്തിയിരിക്കുകയാണ്.

ആവശ്യക്കാർ ഇനി www.bigcartkerala.com എന്ന പോർട്ടലിൽ അവശ്യമുള്ളവക്ക് ഓർഡർ നൽകിയാൽ അവ വീട്ടുപടിക്കലെത്തും.

കോട്ടയത്തെ ഇതു സംബന്ധിച്ച പ്രവർത്തനം തിരുനക്കരയിലുള്ള സപ്ളൈകോ ഹൈപ്പർ മാർക്കറ്റ് കേന്ദ്രീകരിച്ചാവും . മൽസ്യ ഫെഡിന്റെ മൽസ്യവും , കൺസ്യൂമർഫെഡിൻ്റെ അരിയും പല വ്യഞ്ജനങ്ങളും , ഹോർട്ടി കോർപ്പിൻ്റെ പച്ചക്കറിയുമാണ് വിതരണം ചെയ്യുക.

സംശയങ്ങൾക്ക് 892173 1931 എന്ന നമ്പരിൽ ബന്ധപ്പെടാവുന്നതാണെന്ന് സപ്ളൈകോ മേഖലാ മാനേജർ അറിയിച്ചു.