മുൻ മന്ത്രിയും കേരള കോൺഗ്രസ് ചെയർമാനുമായ പി ജെ ജോസഫിന്റെ ഭാര്യ ശാന്ത ജോസഫ് അന്തരിച്ചു

സ്വന്തം ലേഖകൻ

ഇടുക്കി: മുൻ മന്ത്രിയും കേരള കോൺഗ്രസ് ചെയർമാനുമായ പി ജെ ജോസഫിന്റെ ഭാര്യ ഡോ. ശാന്ത ജോസഫ് (77) അന്തരിച്ചു. അർബുദ ബാധയെത്തുടർന്ന് ചികിത്സയിലായിരുന്നു. തൊടുപുഴയിലെ സ്വകാര്യ ആശുപത്രിയിലായിരുന്നു അന്ത്യം.

ആരോഗ്യവകുപ്പിലെ മുൻ അഡീഷണൽ ഡയറക്ടറായിരുന്നു ഡോ. ശാന്ത ജോസഫ്. 1971-ലായിരുന്നു ജോസഫുമായുള്ള വിവാഹം. മക്കൾ: അപ്പു (കേരള കോൺഗ്രസ് സംസ്ഥാന സ്റ്റിയറിംഗ് കമ്മിറ്റിയംഗം), ആന്റണി, പരേതനായ ജോമോൻ, യമുന. ഡൗൺ സിൻഡ്രോം ബാധിതനായിരുന്ന ഇളയമകൻ ജോമോൻ, 2020 നവംബർ 20-നായിരുന്നു അന്തരിച്ചത്. മരുമക്കൾ: അനു, ഡോ. ജോ (മൗണ്ട് സീയോൺ മെഡിക്കൽ കോളജ്, കോഴഞ്ചേരി), ഉഷ