ദോശക്കല്ല് ഉണ്ടെങ്കില്‍ ഓവനില്ലാതെ എളുപ്പത്തില്‍ ചിക്കൻപിസ വീട്ടില്‍ ഉണ്ടാക്കാം; കുട്ടികൾക്കും മുതിർന്നവർക്കും ഒരുപോലെ ഇഷ്ടപെടുന്ന റെസിപ്പി ഇതാ
കോട്ടയം: ദോശക്കല്ല് ഉണ്ടെങ്കില്‍ ഓവനില്ലാതെ എളുപ്പത്തില്‍ ചിക്കൻപിസ വീട്ടില്‍ ഉണ്ടാക്കാം. കുട്ടികളും മുതിർന്നവർക്കും ഒരുപോലെ ഇഷ്ടപെടും ഈ ചിക്കൻപിസ.
ചേരുവകകള്‍
മൈദ
പഞ്ചസാര
ഉപ്പ്‌
ഒലിവ്‌ ഓയില്‍
തക്കാളി സോസ്
ലൈം ജ്യൂസ്‌
ഇഞ്ചി വെളുത്തുള്ളി പേസ്റ്റ്‌
മുളക്പൊടി
മഞ്ഞള്‍പ്പൊടി
ഒരു നുള്ള്‌ ഗരം മസാല
ജീരകപ്പൊടി
മഞ്ഞള്‍പൊടി
കുരുമുളക്പൊടി
ബട്ടർ
കാപ്സിക്കം
തക്കാളി
ചിക്കൻ
സവാള
ഒറിഗാനോ
ചീസ്
Whatsapp Group 1 | Whatsapp Group 2 |Telegram Group
തയ്യാറാക്കുന്ന വിധം
രണ്ടു കപ്പ് മൈദ,ഒരു ടേബിള്‍ സ്പൂണ്‍ വീതം പഞ്ചസാര , ഉപ്പ്‌ , ഒലിവ്‌ ഓയില്‍ എന്നിവ നന്നായി മിക്സ് ചെയ്യുക. അതിലേക്ക് പത്ത് ഗ്രാം യീസ്റ്റ്‌ ചേർക്കുക. ചെറു ചൂടുവെള്ളത്തില്‍ കുഴച്ച്‌ നനവുള്ള തുണി കൊണ്ട്‌ മൂടി വെയ്ക്കുക. 2 മണിക്കൂറിനു ശേഷം മാവ്‌ നന്നായി പരത്തി 10 മിനിറ്റ്‌ മാറ്റി വെയ്ക്കുക. ദോശ കല്ലില്‍ ചെറിയ ഗോള്‍ഡൻ കളർ ആകുന്നതുവരെ (രണ്ടു വശവും ) ചുട്ടെടുക്കുക. ലൈം ജ്യൂസ്‌ , ഇഞ്ചി വെളുത്തുള്ളി പേസ്റ്റ്‌, മുളക്പൊടി,മഞ്ഞള്‍പ്പൊടി,ഒരു നുള്ള്‌ ഗരം മസാല , ജീരകപ്പൊടി , മഞ്ഞള്‍പൊടി ,കുരുമുളക്പൊടി,ഉപ്പ്‌ ഇവ പുരട്ടി ചിക്കൻ അരമണിക്കൂർ വയ്ക്കുക . ബട്ടറില്‍ വറത്ത് ഒറിഗനോ ചേർക്കാം. കാപ്സിക്കം സവാള ,തക്കാളി എന്നിവ ബട്ടറില്‍ മൊരിച്ചെടുക്കാം. നേരത്തെ ചുട്ടെടുത്ത പിസ്സ ബേസില്‍ സോസ് ,ചീസ് എന്നിവ നന്നായി പുരട്ടുക. അതിനു മുകളിലായി ബട്ടറില്‍ വേവിച്ചെടുത്ത ചിക്കൻ, കാപ്സിക്കം , സവാളചേർക്കുക . ഒരു ലെയർ കൂടി ചീസ് നിരത്തി ഒറിഗനോ ഇട്ട് കുറച്ച്‌ ഒലിവ്‌ ഓയില്‍ കൂടി ചേർത്ത് ദോശ കല്ലില്‍ 15 മിനിറ്റ്‌ വേവിച്ചെടുക്കുക.
