വായ്പകൾ മുടങ്ങിയാൽ ഏപ്രിൽ 1 മുതൽ പിഴ പലിശയില്ല: പിഴ തുക മാത്രമേ ഇടാക്കാവു എന്ന് ആർബി ഐ

കൊച്ചി:ബാങ്ക് വായ്പയെടുത്തവർക്ക് സന്തോഷവാർത്ത വായ്പകളുടെ തിരിച്ചടവ് മുടങ്ങിയാൽ ഇനി പിഴ പലിശയില്ല . പലിശയും കൂട്ടു പലിശയും പിഴ പലിശയുമടക്കം വലിയ ബാധ്യത ഇനി വായ്പക്കാർക്ക് ഉണ്ടാകില്ല.
പിഴ പലിശയ്ക്ക് പകരം പിഴത്തുക മാത്രം ഏർപ്പെടുത്താനുള്ള റിസർവ് ബാങ്ക് ചട്ടം ഏപ്രിൽ ഒന്നിന് നിലവിൽ വരും.

ജനുവരി ഒന്നിന് നടപ്പാക്കേണ്ടിയിരുന്ന ചട്ടമാണ് ബാങ്കുകൾ ആവശ്യപ്പെട്ടതിനെ തുടർന്ന് നീട്ടി വച്ചത് .ഇനി വീണ്ടും കാലാവധി നീട്ടാൻ ഇടയില്ല.

ഏപ്രിൽ ഒന്നുമുതൽ എടുക്കുന്ന പുതിയ വായ്പകളുടെ തിരിച്ചടവ് മുടങ്ങിയാൽ പലിശയ്ക്ക് പകരം പിഴ തുക മാത്രമേ ബാങ്കുകൾ അടക്കമുള്ള ധനകാര്യ സ്ഥാപനങ്ങൾക്ക് ഈടാക്കാനാവു. നിലവിലെ വായ്പകൾക്ക് പുതിയ നിബന്ധന ഏപ്രിൽ ഒന്നിനും ജൂൺ 30ന് ഇടയിൽ ബാധകമാക്കണം.

പിഴപലിശ എന്നാൽ തിരിച്ചടവ് മുടങ്ങിയാൽ വായ്പയുടെ പലിശനിരക്കിന് മേലാണ് നിലവിൽ പിഴപ്പലിശ . തിരിച്ചടവ് ബാധ്യത വൻതോതിൽ ഉയർത്തും. .പല ബാങ്കുകളും ഇത് ധനസമ്പാദന മാർഗമായി ഉപയോഗിക്കുന്നു എന്ന് റിസർവ് ബാങ്ക് നിരീക്ഷിച്ചു. ഏപ്രിൽ മുതൽ പിഴപ്പലിശയ്ക്ക് പകരം പിഴതുക (പീനൽ ചാർജസ് .)മാത്രമേ ഈടാക്കാനാവു. വായ്പ പലിശയിലേക്ക് ഒരുതരത്തിലുള്ള ചാർജും ധനകാര്യ സ്ഥാപനങ്ങൾക്ക് ലയിപ്പിക്കാൻ ആവില്ലഎന്നു സാരം.