കെസി വേണു​ഗോപാലിന്റെ ഫോൺ ഹാക്ക് ചെയ്തു; പണവും രേഖകളും ആവശ്യപ്പെട്ടുകൊണ്ട് വിവിധ പിസിസി അധ്യക്ഷന്മാർക്കും നേതാക്കൾക്കും ഫോൺ സന്ദേശം; പരാതി നല്കി

സ്വന്തം ലേഖകൻ

തിരുവനന്തപുരം; തന്റെ ഫോൺ ഹാക്ക് ചെയ്യപ്പെട്ടതായി എഐസിസി ജനറല്‍ സെക്രട്ടറി കെസി വേണുഗോപാൽ. പണവും രേഖകളും ആവശ്യപ്പെട്ടുകൊണ്ട് വിവിധ പിസിസി അധ്യക്ഷന്മാർക്കും നേതാക്കൾക്കും ഫോൺ സന്ദേശം ലഭിച്ചു.

ട്വിറ്റർ അക്കൗണ്ടിലൂടെ വേണു ​ഗോപാൽ തന്നെയാണ് ഫോൺ ഹാക്ക് ചെയ്ത വിവരം വ്യക്തമാക്കിയത്. ചൊവ്വാഴ്ച മുതലാണ് ഇത്തരത്തിലുള്ള കോളുകൾ ലഭിക്കാൻ തുടങ്ങിയത് എന്നാണ് പറയുന്നത്. തന്റെ നമ്പറിൽ നിന്ന് സംശയകരമായ കോളുകൾ വരികയാണ് റിപ്പോർട്ട് ചെയ്യണമെന്നും വേണു​ഗോപാൽ ട്വിറ്ററിൽ കുറിച്ചു.

സംഭവത്തിൽ കെ.സി.വേണുഗോപാലിന്റെ സെക്രട്ടറി കെ.ശരത് ചന്ദ്രൻ, ഡിജിപി അനിൽ കാന്തിന് പരാതി നൽകി. ഇത്തരത്തിൽ വന്ന കോളുകളുടെ വിവരങ്ങളും പരാതിയിൽ ഉൾപ്പെടുത്തിയിട്ടുണ്ട്. സംഭവത്തിൽ ഉടനടി നടപടിയെടുക്കണം എന്നാണ് ആവശ്യപ്പെടുന്നത്. പരാതിയുടെ പകർപ്പ് വേണുഗോപാല്‍ ട്വീറ്റ് ചെയ്തു.