വളര്‍ത്തുനായകളെ തെരുവില്‍ ഉപേക്ഷിക്കുന്ന പ്രവണത തടയും; കേരളത്തില്‍ നായകളെ വളര്‍ത്താൻ ലൈസൻസ് ഏര്‍പ്പെടുത്തുന്നു; നിയമങ്ങള്‍ കൂടുതല്‍ കർശനമാക്കാൻ തീരുമാനം…!

തിരുവനന്തപുരം: സംസ്ഥാനത്ത് നായ വളർത്തലുമായി ബന്ധപ്പെട്ട നിയമങ്ങള്‍ കൂടുതല്‍ കർശനമാക്കാൻ തീരുമാനം.

Link

Embed

Copy and paste this HTML code into your webpage to embed.

വളർത്തുനായകളെ തെരുവില്‍ ഉപേക്ഷിക്കുന്ന പ്രവണത തടയുന്നതിന്റെ ഭാഗമായാണ് നിയമങ്ങള്‍ കർശനമാക്കുന്നത്.
ഇതിന്റെ ഭാഗമായി നായകളെ വളർത്താൻ ലൈസൻസ് നിർബന്ധമാക്കും.

ഇതുള്‍പ്പെടെയുള്ള നിയമങ്ങള്‍ കൂടി ഉള്‍പ്പെടുത്താൻ പഞ്ചായത്ത്-നഗരപാലിക നിയമങ്ങളില്‍ ആവശ്യമായ ഭേദഗതികള്‍ വരുത്താൻ തദ്ദേശഭരണ വകുപ്പിനോട് ശുപാർശ ചെയ്യാനാണ് സംസ്ഥാന ജന്തുക്ഷേമ ബോർഡിന്റെ നീക്കം.

ഒരു വീട്ടില്‍ ലൈസൻസോടെ പരമാവധി രണ്ടുനായകളെ മാത്രമേ വളർത്താൻ അനുവദിക്കൂ. ഇതിലധികം നായകളെ വളർത്താൻ ആഗ്രഹിക്കുന്നവർ ബ്രീഡേഴ്സ് ലൈസൻസ് എടുക്കണം.

നായകളുടെ പ്രജനനത്തിനുശേഷം അവയെ വില്‍ക്കാൻ കഴിയാതെ തെരുവില്‍ ഉപേക്ഷിക്കുന്ന സാഹചര്യം ഒഴിവാക്കുക എന്നതാണ് ഈ തീരുമാനത്തിന്റെ പ്രധാന ലക്ഷ്യം.