ക്ഷേമ പെൻഷൻ തട്ടിപ്പുകാരുടെ പേരുകള്‍ പുറത്തുവിടുമെന്ന് മന്ത്രി കെ.എൻ ബാലഗോപാല്‍: ആളുകളോട് വിശദീകരണം തേടിയ ശേഷമാകും തുടർനടപടി: ബിഎംഡബ്ലിയു കാർ ഉപയോഗിക്കുന്നവർ വരെ ക്ഷേമ പെൻഷൻ വാങ്ങുന്നുണ്ട്
തിരുവനന്തപുരം: ക്ഷേമ പെൻഷൻ തട്ടിപ്പുകാരുടെ പേരുകള്‍ പുറത്തുവിടുമെന്ന് മന്ത്രി കെ.എൻ ബാലഗോപാല്‍. ആളുകളോട് വിശദീകരണം തേടിയ ശേഷമാകും തുടർനടപടി.
ഉദ്യോഗസ്ഥർ തെറ്റായ കാര്യങ്ങള്‍ ആണ് ചെയ്തിരിക്കുന്നത്.
സാങ്കേതിക പ്രശ്‌നങ്ങള്‍ കടന്നു കൂടിയോ എന്നും പരിശോധിക്കുമെന്നും മന്ത്രി പറഞ്ഞു. പ്രതിപക്ഷ നേതാവ് പിന്തുണയ്ക്കുന്നതില്‍ സന്തോഷമെന്നും മന്ത്രി കൂട്ടിച്ചേർത്തു.
ഇതിനിടെ ക്ഷേമ പെൻഷൻ തട്ടിപ്പുമായി ബന്ധപ്പെട്ട് സംസ്ഥാന സർക്കാർ വിശദമായ പരിശോധനക്ക് ഒരുങ്ങുന്നു. സോഷ്യല്‍ ഓഡിറ്റിങ് സൊസൈറ്റിയാണ് പരിശോധന നടത്തുക. എല്ലാ തദ്ദേശ സ്ഥാപനങ്ങളിലും സൊസൈറ്റിയുടെ സേവനം
Whatsapp Group 1 | Whatsapp Group 2 |Telegram Group
ഉപയോഗിക്കും.ഗുണഭോക്താക്കളുടെ ഓരോരുത്തരുടെയും വിവരങ്ങള്‍ പരിശോധിക്കും. സർക്കാർ ജീവനക്കാരുടെ വിവരങ്ങള്‍ സ്പാർക്കില്‍നിന്ന് ശേഖരിച്ച്‌ പരിശോധിക്കും. വിശദമായ പരിശോധനക്ക് ശേഷം സോഷ്യല്‍ ഓഡിറ്റിങ്ങിന്റെ ഭാഗമായി പേരുകള്‍
പ്രസിദ്ധീകരിക്കുന്നതും ആലോചനയിലുണ്ട്. മുഖ്യമന്ത്രി പിണറായി വിജയൻ നേരിട്ട് യോഗം വിളിച്ച്‌ പെൻഷൻ ഉപഭോക്താക്കളുടെ വിവരങ്ങള്‍ പരിശോധിക്കണമെന്ന് ആവശ്യപ്പെട്ടിരുന്നു.
അർഹതപ്പെട്ടവർക്ക് മാത്രമാണ് പെൻഷൻ കിട്ടുന്നത് എന്ന് ഉറപ്പാക്കണമെന്നും മുഖ്യമന്ത്രി നിർദേശിച്ചിരുന്നു. ബിഎംഡബ്ലിയു കാർ ഉപയോഗിക്കുന്നവർ വരെ ക്ഷേമ പെൻഷൻ വാങ്ങുന്നുണ്ട് എന്നായിരുന്നു കണ്ടെത്തിയിരുന്നത്.
