തിരുവനന്തപുരം: സാമൂഹ്യ സുരക്ഷാ പെന്ഷന് ഗുണഭോക്താക്കള്ക്ക് വരുമാന സര്ട്ടിഫിക്കറ്റ് ഹാജരാക്കുന്നതിനുള്ള കാലാവധി ആറുമാസംകൂടി നീട്ടി. ധനകാര്യ മന്ത്രി കെ.എന് ബാലഗോപാലാണ് ഈ കാര്യം അറിയിച്ചത്.
ഈ കാലാവധിയ്ക്കുള്ളില് വരുമാന സര്ട്ടിഫിക്കറ്റ് ലഭ്യമാക്കാത്തവരുടെ പെന്ഷന് തടയരുതെന്നും വകുപ്പിന് നിര്ദ്ദേശം നല്കി. അക്ഷയ കേന്ദ്രങ്ങള് വഴി ജൂണ് 30 -നകം വരുമാന സര്ട്ടിഫിക്കറ്റ് അപ്ലോഡ് ചെയ്യാനുള്ള സൗകര്യമുണ്ടാകുമെന്നും അറിയിച്ചിട്ടുണ്ട്.
2025 മെയ് മാസത്തിലായിരുന്നു ക്ഷേമ പെന്ഷന് ഗുണഭോക്തൃ പട്ടികയില് ഉള്പ്പെട്ടിട്ടുള്ളവരില് ഒരു തവണയെങ്കിലും വരുമാന സര്ട്ടിഫിക്കറ്റ് ലഭ്യമാക്കിയിട്ടില്ലത്തവര് അത് ഹാജരാക്കണമെന്ന് കാട്ടി സര്ക്കാര് നിര്ദ്ദേശം നല്കിയിരുന്നത്.
Whatsapp Group 1 | Whatsapp Group 2 |Telegram Group
2025 ഡിസംബര് 31 വരെയാണ് നേരത്തെ ഇതിനായി സമയം നല്കിയിരുന്നത്. എന്നാല്, 62 ലക്ഷത്തില്പരം വരുന്ന ക്ഷേമ പെന്ഷന് ഗുണഭോക്താക്കളില് 2.53 ലക്ഷം പേരാണ് ഒരു തവണയെങ്കിലും വരുമാന സര്ട്ടിഫിക്കറ്റ് ഹാജരാക്കിയിട്ടില്ലാത്തത്.
