സ്കൂളിൽ ഓണാഘോഷത്തിനിടെ ​ലൈംഗികാതിക്രമ ശ്രമം; നൃത്തപരിശീലനത്തിനിടെ ​കൈയിൽ പിടിക്കുകയും ​ശരീരത്തിൽ സ്പർശിക്കുകയും ചെയ്തു; പി.ടി.എ. പ്രസിഡന്റിനെതിരെ കേസെടുത്ത് പോലീസ്

പിലിക്കോട്: പി.ടി.എ. പ്രസിഡന്റിനെതിരേ മാനഭംഗശ്രമത്തിന് പോലീസ് കേസെടുത്തു. പ്ലസ്ടു വിദ്യാര്‍ഥിനിയുടെ പരാതിയിലാണ് കേസെടുത്തിരിക്കുന്നത്.

കഴിഞ്ഞ വെള്ളിയാഴ്ച സ്‌കൂളില്‍ ഓണാഘോഷം നടക്കുന്നതിനിടയിലാണ് കേസിനാസ്പദമായ സംഭവം.

സ്‌കൂള്‍ പി.ടി.എ. പ്രസിഡന്റും സി.പി.എം. ഏച്ചിക്കൊവ്വല്‍ വടക്ക് ബ്രാഞ്ച് സെക്രട്ടറിയുമായ ടി.ടി. ബാലചന്ദ്രനെതിരേയാണ് ചന്തേര പോലീസ് ജാമ്യമില്ലാവകുപ്പിൽ കേസെടുത്തത്.

നൃത്തപരിശീലനത്തിനിടെ കൈയില്‍ പിടിച്ചെന്നും ലൈംഗിക ഉദ്ദേശ്യത്തോടെ ശരീരത്തില്‍ സ്പര്‍ശിച്ചെന്നുമാണ് വിദ്യാര്‍ഥിനിയുടെ പരാതിയില്‍ പറയുന്നത്.

ചന്തേര സബ് ഇന്‍സ്പെക്ടര്‍ എം.വി. ശ്രീദാസിനാണ് അന്വേഷണച്ചുമതല.