തൃശ്ശൂർ : ശക്തമായ മഴയെത്തുടര്‍ന്ന് പീച്ചി ഡാമിന്റെ ഷട്ടറുകള്‍ കൂടുതൽ ഉയര്‍ത്തും. നാല് ഷട്ടറുകളും നിലവില്‍ എട്ടിഞ്ച് (20സെ.മി) തുറന്നിട്ടുണ്ട്. ഡാമിന്റെ വൃഷ്ടി പ്രദേശങ്ങളില്‍ തുടര്‍ച്ചയായി മഴ ലഭിച്ചുകൊണ്ടിരിക്കുന്നതിനാല്‍ ഡാമിലേക്ക് നീരൊഴുക്ക് വര്‍ധിച്ചിട്ടുണ്ട്.ഈ സാഹചര്യത്തിലാണ് ഡാമിലെ ജലനിരപ്പ് നിയന്ത്രിക്കുന്നതിനായി നാല് ഷട്ടറുകളും കൂടുതല്‍ ഉയര്‍ത്തുന്നത്.
ഇന്ന് രാവിലെ എട്ടുമുതല്‍ ഘട്ടം ഘട്ടമായി നാലിഞ്ച് (10 സെ.മീ) കൂടി ഉയര്‍ത്തും. (ആകെ 12 ഇഞ്ച്). ഇതുമൂലം മണലി, കരുവന്നൂര്‍ പുഴകളിലെ ജലനിരപ്പ് നിലവിലേതില്‍നിന്നും പരമാവധി 20 സെ.മി കൂടി ഉയരാന്‍ സാധ്യതയുള്ളതിനാല്‍ തീരത്ത് താമസിക്കുന്നവര്‍ ജാഗ്രത പുലര്‍ത്തേണ്ടതാണെന്ന് അസി. എക്‌സി. എന്‍ജിനീയര്‍ അറിയിച്ചു.
