ബൈക്കിടിച്ച് കാൽനട യാത്രക്കാരന് ദാരുണാന്ത്യം ; അപകടത്തിൽ ബൈക്കിൽ നിന്നും തെറിച്ചുവീണ് യുവാവിനും പരിക്ക്

തിരുവനന്തപുരം: ബൈക്കിടിച്ച് കാൽനട യാത്രക്കാരൻ മരിച്ചു. നെടുമങ്ങാട് ചുള്ളിമാനൂർ റോഡരികത്ത് വീട്ടിൽ ജോർജ് ജോസഫാണ് (70) മരിച്ചത്. അപകടത്തിൽ ബൈക്കിൽ നിന്നും തെറിച്ചുവീണ് യുവാവിനും പരിക്കേറ്റു. പാങ്ങോട് മതിര സ്വദേശി വിഷ്ണു ചന്ദ്രിനാണ് പരിക്കേറ്റത്.

ബുധനാഴ്ച രാവിലെ 5.45 ന് എം സി റോഡിൽ കീഴായിക്കോണം പെട്രോൾ പമ്പിന് സമീപത്തായിരുന്നു അപകടം നടന്നത്. സംഭവ ശേഷം ജോർജ് ജോസഫിനെ കന്യാകുളങ്ങര സാമൂഹ്യാരോഗ്യ കേന്ദ്രത്തിൽ പ്രവേശിപ്പിച്ചെങ്കിലും മരിച്ചു.വിഷ്ണു ചന്ദ്രിൻ സ്വകാര്യ മെഡിക്കൽ കോളേജാശുപത്രിൽ ചികിത്സയിലാണ്.