പത്തനംതിട്ടയിൽ ഓടിക്കൊണ്ടിരുന്ന പിക്കപ്പ് വാനിന് തീപിടിച്ചു: അപകടത്തിന് കാരണം ഷോർട്ട് സർക്യൂട്ട്, ഡ്രൈവർ രക്ഷപ്പെട്ടത് തലനാരിഴയ്ക്ക്

പത്തനംതിട്ട: പത്തനംതിട്ട ളാഹയിൽ ഓടിക്കൊണ്ടിരുന്ന പിക്കപ്പ് വാഹനത്തിന് തീ പിടിച്ചു. പമ്പയിൽ പ്ലാസ്റ്റിക് മാലിന്യം ശേഖരിക്കാൻ പോയ പിക്കപ്പ് വാഹനത്തിനാണ് തീപിടിച്ചത്.

ഷോർട്ട് സർക്യൂട്ടാണ് തീപിടുത്തത്തിന് കാരണമെന്ന് പ്രാഥമിക നിഗമനം. അപകടത്തിൽ പിക്കപ്പ് വാൻ ഭാഗികമായി കത്തി നശിച്ചു. തീ പടർന്നപ്പോൾ വാഹനത്തിൽ ഉണ്ടായിരുന്ന ഡ്രൈവർ ഇറങ്ങി ഓടുകയും ചെയ്തു. അതോടുകൂടി വലിയ അപകടം ഒഴിവാക്കുകയായിരുന്നു.