പത്തനംതിട്ട: ബലാത്സംഗക്കേസിൽ സംസ്ഥാന പോലീസിനോട് ദേശീയ വനിതാ കമ്മീഷൻ റിപ്പോർട്ട് തേടി. സംഭവത്തിൽ മൂന്ന് ദിവസത്തിനകം റിപ്പോർട്ട് സമർപ്പിക്കണമെന്ന് ദേശീയ വനിതാ കമ്മീഷൻ നിർദേശം നൽകി.
ഹീനമായ കുറ്റകൃത്യമാണ് നടന്നതെന്നും പ്രതികളെ എത്രയും വേഗം അറസ്റ്റുചെയ്യണമെന്നും വനിതാ കമ്മീഷൻ നിർദേശിച്ചു. 13-ാം വയസുമുതല്‍ പീഡനത്തിനിരയായെന്നാണ് വെളിപ്പെടുത്തലുമായി പതിനെട്ടുകാരി രംഗത്തെത്തിയത്. കഴിഞ്ഞ അഞ്ചുവര്‍ഷത്തിനിടെ 60 പേര്‍ പീഡിപ്പിച്ചെന്ന് പെൺകുട്ടി പറഞ്ഞിരുന്നു.
കായികതാരമായ പെണ്‍കുട്ടിയുടെ പീഡനപരാതിയിൽ ഒമ്പത് പേർ കൂടി ഇന്ന് അറസ്റ്റിലായിരുന്നു. ഇതോടെ കേസിൽ അറസ്റ്റിലായവരുടെ എണ്ണം 14 ആയി. അറസ്റ്റിലായവരിൽ പ്ലസ് ടു വിദ്യാർഥിയുമുണ്ട്. ഇന്ന് കസ്റ്റഡിയിലെടുത്ത പത്തു പേരിൽ ഒമ്പത് പേരുടെ അറസ്റ്റാണ് രേഖപ്പെടുത്തിയത്.
Whatsapp Group 1 | Whatsapp Group 2 |Telegram Group