പത്തനംതിട്ടയില്‍ ബേക്കറി കടയ്ക്ക് തീപിടുത്തം; ലക്ഷങ്ങള്‍ വിലവരുന്ന വസ്തു വകകള്‍ കത്തിനശിച്ചു; ഷോര്‍ട്ട് സര്‍ക്യൂട്ടെന്ന് നിഗമനം

സ്വന്തം ലേഖിക

പത്തനംതിട്ട: ബേക്കറി കടക്ക് തീപിടിച്ച്‌ ലക്ഷങ്ങളുടെ നാശനഷ്ടം.

പത്തനംതിട്ട മണക്കാലയില്‍ അറേബ്യൻ ബേക്കറി ആൻഡ് സൂപ്പര്‍മാര്‍ക്കറ്റിലാണ് തീപിടുത്തമുണ്ടായത്.

രണ്ട് യൂണിറ്റ് ഫയര്‍ഫോഴ്‌സ് എത്തി ഏറെ നേരത്തെ പരിശ്രമത്തിനൊടുവിലാണ് തീയണച്ചത്. തീപിടുത്തത്തിന് കാരണം ഷോര്‍ട്ട് സര്‍ക്യൂട്ട് ആകാംമെന്നാണ് ഫയര്‍ഫോഴ്‌സിൻ്റെ നിഗമനം.

ലക്ഷങ്ങളുടെ നാശനഷ്ടമുണ്ടായെന്നാണ് പ്രാഥമിക നിഗമനം. വെങ്ങളം സ്വദേശിയായ അഞ്ചു ഹരിദാസിന്റെ ഉടമസ്ഥതിയിലാണ് ഈ സ്ഥാപനമുള്ളത്.

പത്തനംതിട്ടിയിലും നിന്നും ശാസ്താം കോട്ടിയില്‍ നിന്നുമുള്ള രണ്ട് യൂണിറ്റ് ഫയര്‍ഫോഴ്‌സ് എത്തി രണ്ട് മണിക്കൂര്‍ കൊണ്ടാണ് തീയണച്ചത്.