പത്തനംതിട്ട ആറന്മുളയിൽ ഗുരുതരമായി പൊള്ളലേറ്റ് ചികിത്സയിലായിരുന്ന നാലുവയസ്സുകാരി മരിച്ചു

സ്വന്തം ലേഖിക

പത്തനംതിട്ട:ഗുരുതരമായി പൊള്ളലേറ്റ് തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലായിരുന്ന നാലുവയസ്സുകാരി മരിച്ചു. ആറന്മുള പടിഞ്ഞാറെ മേലാടത്ത് അരുൺ (35), ഭാര്യ ശ്യാമ (28) എന്നിവരുടെ മകൾ ആദിശ്രീയാണ് (4) മരിച്ചത്.

കഴിഞ്ഞ 6ന് 3 മണിയോടെയാണ് അരുൺ, ശ്യാമ, ആദിശ്രീ എന്നിവരെ വീട്ടിലെ മുറിയിൽ പൊള്ളലേറ്റ നിലയിൽ കണ്ടത്. ശ്യാമയും അരുണും സംസാരശേഷിയില്ലാത്തവരാണ്. ഗുരുതരമായി പെള്ളലേറ്റ ശ്യാമയും ആശുപത്രിയിൽ ചികിത്സയിലാണ്.

താൽക്കാലികാടിസ്ഥാനത്തിൽ വനംവകുപ്പിൽ ജോലി ചെയ്യുന്ന അരുൺ ഒരു മുറിയിലും ശ്യാമയും മകളും മറ്റൊരു മുറിയിലുമാണ് കിടന്നിരുന്നത്. ശ്യാമയെയും ആദിശ്രീയെയും രക്ഷിക്കാൻ ശ്രമിക്കുന്നതിനിടെ അരുണിന് പെള്ളലേറ്റതെന്നാണ് പ്രാഥമിക വിവരം.