കസാഖ്സ്ഥാനിലെ അക്തോയില്‍ യാത്രാവിമാനം തകർന്നുവീണ് അപകടം ; വിമാനത്തില്‍ 110 യാത്രക്കാർ ഉണ്ടായിരുന്നതായ് റിപ്പോർട്ടുകൾ

അസ്താന: കസാക്കിസ്ഥാനിലെ അക്തൗ പ്രദേശത്ത് യാത്രാവിമാനം തകർന്നുവീണ് അപകടം. റഷ്യയിലേക്ക് തിരിച്ച വിമാനമാണ് പൊട്ടിത്തെറിച്ച്‌ തകർന്നുവീണു.

വിമാനത്തില്‍ 110 യാത്രക്കാർ ഉണ്ടായിരുന്നുവെന്നാണ് റിപ്പോർട്ട്. രക്ഷാപ്രവർത്തനം പുരോഗമിക്കുന്നു.

12 യാത്രക്കാരെ രക്ഷിക്കാൻ കഴിഞ്ഞതായി പ്രാദേശിക മാധ്യമങ്ങള്‍ റിപ്പോർട്ട് ചെയ്യുന്നു. അസർബൈജാൻ എയർലൈൻസിന്റെ വിമാനമാണ് തകർന്നത്. മരണസംഖ്യ സംബന്ധിച്ച്‌ ഔദ്യോഗിക സ്ഥിരീകരണമുണ്ടായിട്ടില്ല

ബാകുവില്‍ നിന്ന് റഷ്യയിലെ ഗ്രോസ്നിയിലേക്ക് പുറപ്പെട്ട വിമാനം ഗ്രോസ്നിയിലെ കനത്ത മൂടല്‍ മഞ്ഞിനെ തുടർന്ന് വഴിതിരിച്ചുവിടുകയായിരുന്നു.

രക്ഷാപ്രവർത്തകർ അപകടസ്ഥലത്തെത്തിയതായി കസാഖ്സ്ഥാൻ സർക്കാർ അറിയിച്ചു. ആളപായം സംബന്ധിച്ച കൃത്യമായ വിവരങ്ങള്‍ പുറത്തുവന്നിട്ടില്ല.