കുറ്റവാളിയെ രക്ഷപെടുത്താൻ ശ്രമിച്ച തത്തയെ പോലീസ് അറസ്റ്റ് ചെയ്തു
സ്വന്തംലേഖകൻ
കോട്ടയം : കള്ളക്കടത്തുക്കാരനായ ഉടമയെ രക്ഷപെടുത്താൻ ശ്രമിച്ച തത്തയെ പോലീസ് പിടികൂടി. ബ്രസീലിലെ വില്ല ഇമാ ഡൂൾസ് എന്ന സ്ഥലത്താണ് സംഭവം. ഇവിടെ താമസിക്കുന്നവർ കുറ്റവാളികൾ ആണെന്ന വിവരത്തെ തുടർന്ന് പോലീസ് പരിശോധനയ്ക്ക് എത്തിയിരുന്നു.
എന്നാൽ പോലീസിനെ കണ്ട ഉടൻ മമ്മാ പോലീസ്..മമ്മാ പോലീസ് എന്ന് തത്ത വിളിച്ചു പറഞ്ഞു. തത്തയുടെ ശബ്ദം കേട്ട് വീടിനുള്ളിലുണ്ടായിരുന്ന ഒരു സ്ത്രീയും പുരുഷനും ഓടി രക്ഷപെടാൻ ശ്രമിച്ചു. എന്നാൽ പോലീസ് വീട് വളഞ്ഞ് ഇവരെ പിടികൂടുകയായിരുന്നു. കൂടാതെ കുറ്റവാളികളെ രക്ഷപെടാൻ സഹായിച്ച തത്തയെയും പോലീസ് അറസ്റ്റ് ചെയ്ത് കൊണ്ടുപോകുകയായിരുന്നു. സ്റ്റേഷനിലെത്തിച്ച തത്തയെകൊണ്ട് സംസാരിപ്പിക്കുവാൻ പോലീസ് ഉദ്യോഗസ്ഥർ ശ്രമിച്ചുവെങ്കിലും തത്ത സംസാരിച്ചില്ല.
പിടികൂടിയ കുറ്റവാളികളിൽ നിന്നും കഞ്ചാവും മയക്കുമരുന്നും പണവും പോലീസ് കണ്ടെത്തി. തത്തയെ ഒരു മൃഗശാലയിലാണ് പാർപ്പിച്ചിരിക്കുന്നത്
