കണ്ണൂർ പരിയാരത്ത് ബസ്സും സ്ക്കൂട്ടറും കൂട്ടിയിടിച്ച് അപകടം ; നിയന്ത്രണം നഷ്ടപ്പെട്ട് ബസ് ഡിവൈഡറിലേക്ക് ഇടിച്ചു കയറി, രണ്ട് പേർക്ക് പരിക്ക്

കണ്ണൂർ : പരിയാരത്ത് ബസ്സും സ്ക്കൂട്ടറും കൂട്ടിയിടിച്ച് അപകടം. രണ്ടുപേർക്ക് പരിക്കേറ്റു, സ്ക്കൂട്ടർ യാത്രക്കാരൻ ഏമ്പേറ്റിലെ ശ്രീധരൻ(62), ബസ് കണ്ടക്ടർ ജയേഷ്(40) എന്നിവർക്കാണ് പരിക്കേറ്റത്.

ഇന്ന് രാവിലെ ഒൻപതോടെയായിരുന്നു അപകടം. കണ്ണൂരിൽനിന്ന് പയ്യന്നൂരിലേക്ക് പോകുന്ന കെ.എൽ-13 എ.ജി-3053 മാനസം എന്ന ബസ് നിയന്ത്രണം വിട്ട് റോഡിന് നടുവിലെ ഡിവൈഡറിലേക്ക് കയറുകയായിരുന്നു,

ഇതിനിടയിലാണ് ബസിടിച്ച് ശ്രീധരന് പരിക്കേറ്റത്. ഇരുവരേയും പരിയാരത്തെ കണ്ണൂർ ഗവ.മെഡിക്കൽ കോളേജിൽ പ്രവേശിപ്പിച്ചു. പരിക്ക് സാരമുള്ളതല്ല.