കേരള പരവർ സർവീസ് സൊസൈറ്റി കുമരകം ശാഖയുടെ 72 മത് കുടുംബ സംഗമവും ഓണാഘോഷവും നടത്തി

കുമരകം: കേരള പരവർ സർവീസ് സൊസൈറ്റി കുമരകം ശാഖയുടെ ആഭിമുഖ്യത്തിൽ72 മത് കുടുംബ സംഗമവും ഓണാഘോഷവും നടത്തി.

2025 സെപ്റ്റംബർ14 ഞായർ ശാഖ മന്ദിരത്തിൽ കൂടിയ കുടുംബ സംഗമത്തിന് ലക്ഷ്മി രമണൻ (ഭരതനാട്യം എം. എ ആർ.എൽ.വി ) ഭദ്രദീപം തെളിയിച്ചു ഉദ്ഘാടനം ചെയ്തു.

തുടർന്ന് നടന്ന സമ്മേളനത്തിൽ കല കായിക രംഗങ്ങളിൽ കഴിവ് തെളിയിച്ച കുട്ടികൾക്ക് ആദരവും മൊമെന്റോ സമർപ്പണവും നടത്തി. വി.കെ അനിൽ ഓണ സന്ദേശം നൽകി.

കുടുംബാംഗങ്ങളുടെ കലാ മത്സരങ്ങളും തിരുവാതിരയും ഗാനമേളയും ഓണാഘോഷങ്ങൾക്ക് ഓണസദ്യയും നിറപകിട്ടേകി. യോഗത്തിൽ പി വി പ്രഭാകരൻ, അനീഷ് വളർത്താറ്റ് എന്നിവർ സംസാരിച്ചു.