കവര്‍ പൊട്ടിക്കുമ്പോള്‍ പൊടിയുന്നതും പൂപ്പല്‍ ബാധിച്ചതുമായ ഗുളികകള്‍; ഗുണനിലവാരമില്ലാത്ത പാരാസെറ്റമോളിന്റെ പത്ത് ബാച്ചുകള്‍ക്ക് വിലക്കേര്‍പ്പെടുത്തി ; പാരസെറ്റമോളിന് പുറമേ പാന്റപ്രസോള്‍ ഗുളികയ്ക്കും വിലക്ക് ;കേരള മെഡിക്കല്‍ സര്‍വീസസ് കോര്‍പറേഷന്‍ വഴി സര്‍ക്കാര്‍ ആശുപത്രികളില്‍ നല്‍കുന്ന ഗുളികകളുടെ വിതരണമാണ് നിര്‍ത്തിവച്ചത്
സ്വന്തം ലേഖകൻ
കോഴിക്കോട്: ഗുണനിലവാരമില്ലാത്തതെന്ന പരാതികളെ തുടര്‍ന്ന് പാരാസെറ്റമോളിന്റെ പത്ത് ബാച്ചുകള്‍ക്ക് വിലക്കേര്‍പ്പെടുത്തി. പാരസെറ്റമോളിന് പുറമേ പാന്റപ്രസോള്‍ ഗുളികയ്ക്കും വിലക്കേര്‍പ്പെടുത്തി. കേരള മെഡിക്കല്‍ സര്‍വീസസ് കോര്‍പറേഷന്‍ വഴി സര്‍ക്കാര്‍ ആശുപത്രികളില്‍ നല്‍കുന്ന പാരസെറ്റമോളിന്റെ പത്തു ബാച്ചിന്റെയും പാന്റപ്രസോളിന്റെ മൂന്ന് ബാച്ചിന്റെയും വിതരണമാണ് നിര്‍ത്തിവച്ചത്.
ഗുളികകള്‍ കവര്‍ പൊട്ടിക്കുമ്ബോള്‍ പൊടിയുന്നതായും പൂപ്പല്‍ ബാധിച്ചതായും കണ്ടെത്തിയതോടെയാണു നടപടിഒരു ബാച്ചില്‍ അഞ്ചു ലക്ഷം ഗുളികകള്‍ ഉണ്ടാകുമെന്നതു കണക്കിലെടുക്കുമ്ബോള്‍ 65 ലക്ഷം ഗുളികകളുടെ വിതരണമാണ് മരവിപ്പിച്ചിരിക്കുന്നത്. വിവിധ ജില്ലകളിലെ ആശുപത്രികളില്‍ വിതരണത്തിനെത്തിച്ച പാരസെറ്റമോള്‍ അതാതു സംഭരണ കേന്ദ്രങ്ങളില്‍ തന്നെ സൂക്ഷിക്കാനാണു നിര്‍ദേശം നല്‍കിയിരിക്കുന്നത്. ഓരോ ബാച്ചിലെയും സാംപിളുകള്‍ നിലവാര പരിശോധനയ്ക്കായി സംസ്ഥാന ഡ്രഗ്‌സ് കണ്‍ട്രോള്‍ ലബോറട്ടറികളിലേക്ക് അയച്ചിട്ടുണ്ട്.
Whatsapp Group 1 | Whatsapp Group 2 |Telegram Group
ഈ മരുന്നുകളുടെ പരിശോധനാ ഫലം ലഭിച്ചതിനു ശേഷം മാത്രമേ ഇവ വിതരണം ചെയ്യണോ എന്ന് തീരുമാനിക്കൂ. മെഡിക്കല്‍ സര്‍വീസസ് കോര്‍പറേഷനു സ്ഥിരം തലവേദനയാകുകയാണ് പാരസെറ്റമോള്‍ ഗുളികകള്‍. മുന്‍ വര്‍ഷങ്ങളിലും പാരസെറ്റമോള്‍ നിലവാര പരിശോധനയില്‍ പരാജയപ്പെട്ടതിനെ തുടര്‍ന്ന് ലെസാം, കെഎസ്ഡിപി, മെര്‍ക്കുറി, സിറോണ്‍, യുണിക്യുവര്‍ തുടങ്ങി വിവിധ കമ്ബനികളെ വിലക്കുപട്ടികയില്‍ പെടുത്തിയിരുന്നു. കെഎംഎസ്സി സംഭരണ, വിതരണ സംവിധാനത്തിലെ പോരായ്മകള്‍ നിലവാരത്തകര്‍ച്ചയ്ക്കു കാരണമാകുന്നുണ്ടെന്നാണു കമ്ബനികളുടെ ആരോപണം.
കഴിഞ്ഞ വര്‍ഷം സമാന രീതിയില്‍ ഗര്‍ഭിണികള്‍ക്ക് പ്രസവ സമയത്ത് ഉപയോഗിക്കുന്ന ഓക്‌സിടോസിന്‍ ഇന്‍ജക്ഷനും വിതരണം മരവിപ്പിച്ചിരുന്നു. 2023 ഫെബ്രുവരി 6ന് വിതരണം നിര്‍ത്തിവയ്ക്കാന്‍ നിര്‍ദേശം നല്‍കിയ ഈ മരുന്നിന്റെ കാലാവധി 2023 ഒക്ടോബര്‍ 31ന് അവസാനിച്ചു. കെഎംഎസ്സി നടപടിയെ കമ്ബനി ചോദ്യം ചെയ്തപ്പോള്‍ കൊല്ലത്ത് എത്തിച്ച മരുന്ന് കുറിയറില്‍ തിരുവനന്തപുരത്തേക്ക് അയയ്ക്കുകയായിരുന്നു എന്ന മറുപടിയാണ് ലഭിച്ചത്. ശീതീകരണ സംവിധാനങ്ങള്‍ ഇല്ലാതെ മരുന്ന് അയച്ചതാണ് നിലവാരം കുറയാന്‍ കാരണമെന്നു ചൂണ്ടിക്കാട്ടി, തടഞ്ഞു വച്ച 25,23,511 രൂപ വിട്ടുകിട്ടാന്‍ ആവശ്യപ്പെട്ടിരിക്കുകയാണ് കമ്ബനി ഇപ്പോള്‍.
