വനിതാ സി.ഐ പാലക്കാട്ടെത്തി; നിർണായക കണ്ടെത്തൽ; അന്വേഷണം ഊർജിതമാക്കി പൊലീസ്…

വയനാട് പനമരം സ്റ്റേഷനിൽ നിന്നും ജോലി സംബന്ധമായ യാത്രക്കിടയിൽ ദുരൂഹ സാഹചര്യത്തിൽ കാണാതായ വനിതാ സി ഐ എലിസബത്ത് പാലക്കാട് എത്തിയെന്ന സ്ഥിരീകരണവുമായി പോലീസ്.സി സി ടി വി ദൃശ്യങ്ങളിലൂടെയാണ് ഇക്കാര്യം സ്ഥിരീകരിച്ചത്..വയനാട്ടിൽ നിന്നും സി ഐ തിങ്കളാഴ്ച രാത്രി കോഴിക്കോട് ബസ്സിറങ്ങിയതും അവിടെ നിന്നും ഒരു ഓട്ടോയിൽ മാനാഞ്ചിറയിലെ എ ടി എമ്മിലെത്തി പനമെടുത്ത ശേഷം കെ സ് ർ ടി സി ബസ് സ്റ്റാന്റിലെത്തി പാലക്കാട് ബസ് കയറിയെന്നാണ് പോലീസ് കണ്ടെത്തിയത്.ഇതിന്റെ സി സി ടി വി ദൃശ്യങ്ങൾ പോലീസ് ശേഖരിച്ചിട്ടുണ്ട്.പാലക്കാട് കോടതി ഡ്യൂട്ടിക്കായി പോകുന്നതിനിടെയാണ് സി ഐയെ കാണാതാകുന്നത്.സംഭവത്തിന്റെ ദുരൂഹത നീക്കാൻ അന്വേഷണം ഊർജ്ജിതമാക്കിയിരിക്കുകയാണ് പോലീസ്.