പാമ്പാടി പിടിഎം സ്കൂളിന് എതിർവശത്ത് സ്കൂട്ടര്‍ യാത്രികരെ ഇടിച്ചിട്ട് നിര്‍ത്താതെ പോയി നാഷണല്‍ പെർമിറ്റ് ലോറി; വെള്ളൂർ സ്വദേശികളായ രണ്ട് പേർക്ക് പരിക്ക്; തലയ്ക്ക് പരിക്കേറ്റ ഇരുവരെയും കോട്ടയം മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു

പാമ്പാടി: പാമ്പാടി പിടിഎം സ്കൂളിന് എതിർവശത്തുവച്ച്‌ സ്കൂട്ടർ യാത്രികരെ ഇടിച്ചിട്ട് നാഷണല്‍ പെർമിറ്റ് ലോറി നിർത്താതെ വേഗത്തില്‍ ഓടിച്ചുപോയി.

വെള്ളൂർ സ്വദേശികളായ സന്തോഷ്, രാജൻ എന്നിവർ സഞ്ചരിച്ച സ്കൂട്ടറിലാണ് ലോറി ഇടിച്ചത്. ഇന്നലെ രാത്രി എട്ടോടെയായിരുന്നു അപകടം.

ഇരുവർക്കും തലയ്ക്ക് പരിക്കേറ്റു. ഇവരെ നാട്ടുകാർ ചേർന്നു പാമ്പിടി താലൂക്ക് ആശുപത്രിയിലും തുടർന്ന് കോട്ടയം മെഡിക്കല്‍ കോളജിലേക്കും മാറ്റി.

പാമ്പാടി പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.