പാമ്പാടിയിൽ അമിതവേ​ഗതയിലെത്തിയ സ്വകാര്യബസ് കാറുകളിലിടിച്ച് അപകടം; ആളപായമില്ല

സ്വന്തം ലേഖകൻ

പാമ്പാടി : അമിതവേഗത്തിലെത്തിയ സ്വകാര്യബസ് കാറുകളിലിടിച്ച് അപകടം. പാമ്പാടി കവലയിൽ ബുധനാഴ്ച ഉച്ചയ്ക്കായിരുന്നു അപകടം.

പാമ്പാടി കവലയിലെ സീബ്രാ ലൈനിൽ നിർത്തിയിട്ട കാറിനുപിന്നിൽ സ്വകാര്യ ബസ് ഇടിക്കുകയായിരുന്നു. ഇടിയുടെ ആഘാതത്തിൽ ഈ കാർ മുന്നിൽ നിർത്തിയിരുന്ന മറ്റ് രണ്ട് കാറുകളിൽ ഇടിച്ചു.

ബസ് ഇടിച്ച കാറിന്റെ പിൻഭാഗം പൂർണമായും തകർന്നു. അപകടത്തെ തുടർന്ന് കോട്ടയം-കുമളി ദേശീയ പാതയിൽ ഏറെനേരം ഗതാഗതം തടസ്സപ്പെട്ടു.