പള്ളുരുത്തിയിലെ യുവാവിന്റെ മരണം കൊലപാതകം; പ്രതി പെണ്‍സുഹൃത്തിന്റെ ഭര്‍ത്താവ്; യുവതിക്കും പങ്കെന്ന് സംശയം

കൊച്ചി: പള്ളുരുത്തിയില്‍ ദുരൂഹസാഹചര്യത്തില്‍ യുവാവ് മരിച്ച സംഭവത്തില്‍ വഴിത്തിരിവ്.

സംഭവം കൊലപാതകമാണെന്ന നിഗമനത്തിലാണ് പോലീസ്. പെണ്‍സുഹൃത്തിന്റെ ഭർത്താവാണ് യുവാവിനെ കൊലപ്പെടുത്തിയതെന്നാണ് വിവരം.
പെണ്‍സുഹൃത്തിനും കൃത്യത്തില്‍ പങ്കുണ്ടെന്ന സംശയത്തിലാണ് പോലീസ്.

തിങ്കളാഴ്ച രാത്രിയായിരുന്നു കേസിനാസ്പദമായ സംഭവം നടന്നത്. കാലിന് പരിക്കേറ്റ നിലയില്‍ പെണ്‍സുഹൃത്താണ് ആഷിഖ് എന്ന യുവാവിനെ എറണാകുളം ജനറല്‍ ആശുപത്രിയിലെത്തിച്ചത്.

എന്നാല്‍ അപ്പോഴേക്കും യുവാവിന്റെ മരണം സംഭവിച്ചിരുന്നു. ആശുപത്രി അധികൃതർ നല്‍കിയ വിവരത്തിന്റെ അടിസ്ഥാനത്തില്‍ കേസെടുത്ത പോലീസ് തുടർന്ന് നടത്തിയ അന്വേഷണത്തിലാണ് കൊലപാതകമാണെന്ന് ബോധ്യമായത്.