പാലായിലെ ക്ലിനിക്കിൽ യുവതിയെ പീഡിപ്പിച്ച കേസിൽ കോട്ടയത്തെ മുൻ ഡി എം ഒ പി എൻ. രാഘവൻ അറസ്റ്റിൽ: ഇരുപത്തിനാലുകാരിയുടെ പരാതിയിലാണ് അറസ്റ്റ്.

കോട്ടയം: ലൈംഗികാതിക്രമ കേസില്‍ മുൻ ഡിഎംഒ അറസ്റ്റില്‍. കോട്ടയം മുൻ ഡി എം ഒയായ പാലാ സ്വദേശി പി എൻ രാഘവനാണ് അറസ്റ്റിലായത്.

ഇരുപത്തിനാലുകാരിയുടെ പരാതിയിലാണ് അറസ്റ്റ്. പാലായിലെ ക്ലിനിക്കിലെത്തിയപ്പോള്‍ ലൈംഗിക പീഡനത്തിനിരയാക്കിയെന്നാണ് യുവതിയുടെ പരാതി.

ചികിത്സയ്ക്കായി ഇന്നലെയാണ് യുവതി രാഘവന്റെ ക്ലിനിക്കിലെത്തിയത്. ചികിത്സയ്ക്കിടെ ലൈംഗികമായി ഉപദ്രവിച്ചെന്നാണ് പരാതിയില്‍ പറയുന്നത്.

സംഭവത്തില്‍ പൊലീസ് കേസെടുത്ത് അന്വേഷണം നടത്തിവരുന്നതിനിടെ ഇന്ന് രാവിലെയാണ് രാഘവനെ അറസ്റ്റ് ചെയ്‌തത്. പ്രതിയെ ചോദ്യം ചെയ്തു വരുന്നു.