പാലക്കാട് ബൈക്ക് മോഷണ കേസിൽ പ്രതി പിടിയിൽ;പിടിയിലായത് വാഹന മോഷണ കേസുകളിലെ സ്ഥിരം പ്രതി;സംസ്‌ഥാനത്തെ വിവിധ സ്‌റ്റേഷനുകളിലായി ഇയാൾക്കെതിരെ 25 ഓളം കേസുകൾ

പാലക്കാട്: ചന്ദ്രനഗറിൽ വ്യാപാര സ്‌ഥാപനത്തിൽ നിർത്തിയിട്ട ബൈക്ക് മോഷ്‌ടിച്ച കേസിൽ പ്രതി അറസ്റ്റിൽ. എറണാകുളം ടിഡി റോഡ് പടിപ്പുരയ്ക്കൽ രാജഗോപാൽ എ.പ്രഭുവിനെയാണ് (20) കസബ പൊലീസ് അറസ്‌റ്റ് ചെയ്തത്.

ഈ മാസം 7നാണ് മോഷണം നടന്നത്. രാജഗോപാൽ എ.പ്രഭു സംസ്‌ഥാനത്തെ വിവിധ സ്‌റ്റേഷനുകളിലായി 25 ഓളം വാഹന മോഷണ കേസിലെ പ്രതിയാണ്.

കസബ ഇൻസ്പെക്‌ടർ എം.സുജിത്ത്, എസ്ഐ എച്ച്.ഹർഷാദ്, എഎസ്‌ഐ കാദർബാഷ, സീനിയർ സിപിഒമാരായ ആർ.രജീദ്,ആർ.രഘു. എസ്.രാജേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.