പാലക്കാട് നഗരത്തെ വിറപ്പിച്ച് എരുമ : വിരണ്ടോടിയ എരുമ ഹോട്ടലില്‍ കയറി: ഹോട്ടലിൽ ഭക്ഷണം കഴിച്ചു കൊണ്ടിരുന്നവർ ഇറങ്ങിയോടി:ഇരുചക്ര വാഹനങ്ങളും ഓട്ടോ റിക്ഷയും തകർത്തു: ഫയർഫോഴ്സും നാട്ടുകാരും ചേർന്ന് പിടിച്ചു കെട്ടി.
പാലക്കാട്: വിരണ്ടോടിയ എരുമ ഹോട്ടലില്‍ കയറിയത് പരിഭ്രാന്തി പരത്തി. പാലക്കാട് നഗരത്തിലെ ഇന്ദ്രപ്രസ്ഥ ഹോട്ടലിലേക്കാണ് എരുമ ഓടി കയറിയത്.
സ്ഥലത്ത് പരിഭ്രാന്തി പരത്തിയ എരുമയെ ഫയര്‍ഫോഴ്‌സും പൊലീസും ചേര്‍ന്ന് കയറിട്ട്
കെട്ടുകയായിരുന്നു. കെട്ടിയശേഷവും എരുമ വിറളി പൂണ്ട് ഓടാന്‍ ശ്രമിച്ചതോടെ കാലുകള്‍ കയറിട്ട് ബന്ധിച്ചു.
എരുമയുടെ മുഖത്തും കാലുകളിലും പരിക്കേറ്റിട്ടുണ്ട്. ഹോട്ടലിലേക്ക് എത്തിയ എരുമ ഇരുചക്രവാഹനം അടക്കമുള്ളവ മറിച്ചിട്ടു. ഓട്ടോറിക്ഷയും തകര്‍ത്തു. സംഭവത്തെ തുടര്‍ന്ന് ഹോട്ടലിലുണ്ടായിരുന്നവര്‍ ഫയര്‍ഫോഴ്സിനെയും പൊലീസിനെയും വിവരം അറിയിക്കുകയായിരുന്നു.
Whatsapp Group 1 | Whatsapp Group 2 |Telegram Group
വെറ്ററിനറി ഡോക്ടര്‍ സംഭവസ്ഥലത്തെത്തി എരുമയ്ക്ക് മരുന്ന് നല്‍കി മയക്കി. പരിക്കുകളില്‍ മരുന്ന് വെച്ചുകെട്ടിയ ശേഷം ഉടമസ്ഥര്‍ക്ക് വിട്ടു നല്‍കും. അറവ് ശാലയ്ക്ക് മുന്നില്‍ വെച്ചാണ്
വണ്ടിയില്‍ നിന്നും എരുമ ഇറങ്ങി ഓടിയതെന്ന് ഉടമ പറഞ്ഞു. വാഹനത്തില്‍ എത്തിച്ച്‌ അറവുശാലയ്ക്ക് മുന്നില്‍ ഇറക്കാന്‍ ശ്രമിക്കുന്നതിനിടെ എരുമ വിറളി പൂണ്ട് ഓടുകയായിരുന്നു.
