1983 ൽ നടത്തിയ മോഷണകേസിലെ പ്രതി 40 വർഷത്തിന് ശേഷം കസബ പോലീസിന്റെ പിടിയിൽ

സ്വന്തം ലേഖിക.

പാലക്കാട്‌ :1983 വർഷത്തിൽ പാലക്കാട് കസബ പോലീസ് സ്റ്റേഷനിൽ റിപ്പോർട്ട് ചെയ്ത നാല് കളവ് കേസുകളിലെ പ്രതികളിൽ ഒരാളായ നാഗലശേരി ചാലിശ്ശേരി സ്വദേശിയായ മുഹമ്മദ് ഉണ്ണി വയസ് 73 എന്നയാളെയാണ് കോഴിക്കോട് നിന്നും അറസ്റ്റ് ചെയ്തത്.

ജാമ്യത്തിൽ ഇറങ്ങിയ പ്രതി തമിഴ്നാട് , കേരളം എന്നിവിടങ്ങളിലായി താമസിച്ചു വരികയായിരുന്നു. ദീർഘകാലങ്ങളായി കിട്ടാത്ത പ്രതികളെ പിടികൂടുന്നതിനായി പാലക്കാട് ജില്ലാ പോലീസ് മേധാവി ശ്രീ ആനന്ദ് IPS രൂപികരിച്ച കസബ പൊലീസ് സ്റ്റേഷനിലെ സ്പെഷ്യൽ ടീമാണ് പ്രതിയെ പിടികൂടിയത്

പാലക്കാട് ജില്ലാ പോലീസ് മേധാവി ശ്രീ ആനന്ദ് IPS, പാലക്കാട് A SP ശ്രീ ഷാഹുൽ ഹമീദ് IPS എന്നിവരുടെ നിർദ്ദേശ പ്രകാരം കസബ ഇൻസ്പെക്ടർ രാജീവ് NS, സീനിയർ പോലീസ് ഓഫീസർമാരായ രാജീദ്.ആർ,ജയപ്രകാശ്.എസ്, സെന്തിൾ വി എന്നിവരാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.