പാലക്കാട് മധ്യവയസ്‌കനെ വീട്ടിൽനിന്ന് വിളിച്ചിറക്കി കുത്തിക്കൊന്നു; കൊലപാതകികൾക്കായി അന്വേഷണം ആരംഭിച്ച് പൊലീസ്

സ്വന്തം ലേഖിക

പാലക്കാട്: മധ്യവയസ്‌കനെ വീട്ടിൽനിന്ന് വിളിച്ചിറക്കി കുത്തിക്കൊലപ്പെടുത്തി. പട്ടാമ്പി കൊപ്പം വണ്ടുംതറയിൽ കടുകതൊടി അബ്ബാസ്(50) ആണ് മരിച്ചത്. ചൊവ്വാഴ്ച രാവിലെ 6.30നായിരുന്നു സംഭവം.

അബ്ബാസിനെ വീടിന് പുറത്തേക്ക് വിളിച്ചുവരുത്തി മാരകായുധം ഉപയോഗിച്ച് കുത്തുകയായിരുന്നെന്നാണ് പറയുന്നത്. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അന്വേഷണം പുരോഗമിക്കുകയാണെന്ന് പൊലീസ് പറഞ്ഞു.