24ാം വയസ്സിൽ വീട്ടിൽ നിന്ന് പുറത്താക്കി; സ്വന്തമായി ഫ്ലാറ്റെടുത്തു; വരുമാനത്തിനായി തെരഞ്ഞെടുത്ത മാർഗം കഞ്ചാവ് വിൽപ്പന ; ഒടുവിൽ കയ്യോടെ പിടികൂടി പോലീസ്

പാലക്കാട്: വെങ്ങന്നൂരിൽ 2 കിലോയോളം കഞ്ചാവുമായി യുവാവിനെ അറസ്റ്റ് ചെയ്ത് ആലത്തൂർ പൊലീസ്. ആറാപ്പുഴ റോഡിലെ ഇരുനില ബിൽഡിംഗിലെ താഴത്തെ നിലയിലെ ഫ്ലാറ്റിൽ നിന്നുമാണ് പ്രതിയെ പിടികൂടിയത്. 24 വയസുകാരനായ ദീപു ആണ് പിടിയിലായത്.

ഇയാളെ വീട്ടുകാ‍ർ നേരത്തെ ഉപേക്ഷിച്ചതാണ്. വീട്ടിൽ നിന്നും പുറത്താക്കിയതോടെ സ്വയം വരുമാനം കണ്ടെത്താനായി ഇയാൾ കഞ്ചാവ് വിൽപന തുടരുകയായിരുന്നു. ഇങ്ങനെ സ്വന്തമായി എടുത്ത ഫ്ലാറ്റിൽ നിന്നുമാണ് പ്രതി പിടിയിലായത്. ഫ്ലാറ്റിൽ നിന്നാണ് ലഹരി സൂക്ഷിക്കുന്നതും വിപണനം നടത്തുന്നതും. രഹസ്യ വിവരത്തിന്റെ അടിസ്ഥാനത്തിൽ ഫ്ലാറ്റിലെത്തി പൊലീസ് സംഘം പ്രതിയെ പിടികൂടുകയായിരുന്നു.

ആലത്തൂർ എസ്ഐ വിവേക് നാരായണന്റെ നേതൃത്വത്തിൽ ഉള്ള പൊലീസ് സംഘവും, പാലക്കാട് ജില്ലാ ലഹരി വിരുദ്ധ സ്ക്വാഡിന്റെയും നേതൃത്വത്തിലുള്ള സംഘമാണ് പ്രതിയെ പിടികൂടിയത്.