കോട്ടയം ജില്ലാ പൊലീസ് കായികമേള; ബാസ്ക്കറ്റ്ബോൾ ചാമ്പ്യന്മാരായി പാലാ സബ് ഡിവിഷൻ; നിലവിലെ ചാമ്പ്യന്മാരായ കോട്ടയം ഹെഡ് കോട്ടേഴ്സ് ക്യാമ്പിനെ 21-27 ന് പരാജയപ്പെടുത്തിയാണ് പാലാ ചാമ്പ്യന്മാരായത്

സ്വന്തം ലേഖകൻ 

കോട്ടയം :കോട്ടയം ജില്ല പൊലീസ്
കായികമേളയിൽ പാലാ സബ് ഡിവിഷൻ ബാസ്ക്കറ്റ്ബോൾ ചാമ്പ്യന്മാരായി. ആകെ നാല് ടീമുകൾ പങ്കെടുത്ത മത്സരത്തിലാണ് പാലാ സബ്ബ് ഡിവിഷൻ ചാമ്പ്യൻമാരായത്.

നിലവിലെ ചാമ്പ്യന്മാരായ കോട്ടയം ഹെഡ് കോട്ടേഴ്സ് ക്യാമ്പിനെ 21-27 എന്ന സ്കോറിന് പരാജയപ്പെടുത്തിയാണ് പാലാഡിവിഷൻ
ചാമ്പ്യന്മാരായത്. പാലാ അൽഫോൻസാ കോളേജിൽ ഇന്നലെ ആരംഭിച്ച ബാസ്ക്കറ്റ്ബോൾ മത്സരം കോളേജ് പ്രിൻസിപ്പൽ റവ. ഫാദർ. ഷാജി പനന്താനത്ത് ഉദ്ഘാടനം ചെയ്തു.

പാലാ ഡിവൈഎസ്പി എ.ജെ തോമസ് സ്വാഗതം ആശംസിച്ചു. കോട്ടയം നാർക്കോട്ടിക് സെൽ ഡിവൈഎസ്പി സി ജോൺ ആശംസ പ്രസംഗം നടത്തി വിജയികൾക്ക് റിട്ടയേർഡ് ഡി ഐ ജി . ടി.ജെ ജേക്കബ് സമ്മാനദാനം നിർവഹിച്ചു.