സ്വന്തം ലേഖകൻ
കുവൈറ്റ് : പാലാ സെന്റ് തോമസ് കോളേജ് പൂർവ വിദ്യാർത്ഥി സംഘടന (PASTCOS) കുവൈറ്റ് ഘടകം 2020 – 2021 വർഷത്തെ വൈവിധ്യമാർന്ന കാര്യപരിപാടികൾ
പ്രസിഡന്റ്‌ സാജു പാറക്കൽ , സെക്രട്ടറി ആശിഷ് ജോസ്, ട്രഷറർ ജോബിൻസ് ജോൺ , എന്നിവരുടെ നേതൃത്വത്തിൽ മികവുറ്റ രീതിയിൽ നടത്തിവരുന്നു.
കോവിഡ് -19 ഭീഷണിയിൽ കുവൈറ്റിൽ കർശന നിയന്ത്രണങ്ങൾ ഏർപ്പെടുത്തിയതിനാൽ കാര്യപരിപാടികൾ മുടക്കമില്ലാതെ നടപ്പാക്കാൻ സാമൂഹമാധ്യമങ്ങൾ വേദിയാക്കിയത് നവ്യാനുഭവമായി. കുടുംബ ബന്ധങ്ങളെ ഊട്ടിയുറപ്പിക്കാൻ വിവാഹവാർഷിക ദിനത്തിൽ അംഗങ്ങളെ അനുമോദിക്കാനും ആശംസകളർപ്പിക്കാനും PASTCOS വാട്സാപ്പ് ഗ്രൂപ്പ് സദാ സജീവമായി നിലകൊള്ളുന്നു.
Whatsapp Group 1 | Whatsapp Group 2 |Telegram Group
ലോക്ക് ഡൌൺ കാലത്ത് അംഗങ്ങൾ വീട്ടിൽ ഇരിക്കുന്നതിന്റെ ഭാഗമായി നിരവധി ഓൺലൈൻ പരിപാടികൾ നടത്തിക്കൊണ്ടു സാജു പാറക്കലിന്റെ നേതൃത്വത്തിൽ ഉള്ള കമ്മിറ്റി പ്രവർത്തിക്കുന്നു.
കമ്മിറ്റി യുടെ ആദ്യ പ്രോഗ്രാം പ്രശസ്ത ആർട്ടിസ്റ്റ് ശ്രീ ശശി കൃഷ്ണൻ ജൂറി ആയിട്ടുള്ള കുട്ടികളുടെ ഓൺലൈൻ ചിത്രരചനാ മത്സരം നടത്തികൊണ്ടായിരുന്നു. നിരവധി അംഗങ്ങളുടെ കുട്ടികൾ പങ്കെടുത്ത മത്സരം ഏറ്റവും ശ്രെദ്ധ പിടിച്ചുപറ്റി.
പിന്നീട് പാസ്ടകോസ് നടത്തിക്കൊണ്ടിരുന്ന കുട്ടികളുടെ ഓൺലൈൻ വീക്കിലി ക്വിസ് പ്രോഗ്രാം ആയ -പാസ്‌ക്വിസ് 4- നടത്തി കൊണ്ടിരിക്കുന്നു. കഴിഞ്ഞ തവണ കളിൽ നിന്ന് വ്യത്യസ്തമായി ഒന്ന്, രണ്ട് മൂന്ന് സ്ഥാനങ്ങൾക്ക് പ്രൈസ് കൊടുത്തുകൊണ്ടാണ് തുടരുന്നത് .ശ്രീമതി നിമ അനീഷ്‌ (ലൈബ്രേറിയൻ സെൻട്രൽ സ്കൂൾ അബ്ബാസിയ )ആണ് ക്വിസ് മാസ്റ്റർ .
വീട്ടിൽ ആയിരിക്കുന്ന കുട്ടികളുടെയും മാതാപിതാക്കളുടെയും മാനസിക ഉല്ലാസം കണക്കിലെടുത്തു മാർച്ച്‌ പകുതിയോടെ ആരംഭിച്ച ക്രീയേറ്റീവ് കിഡ്സ്‌ പ്രോഗ്രാം ഭംഗിയായി മുന്നേറുന്നു. കുട്ടികളെ സീനിയർ , ജൂണിയർ സബ് ജൂണിയർ വിഭാഗങ്ങളായി തിരിച്ചു ഓരോ വിഭാഗത്തിനും ദിവസേന ഓരോരോ ടാസ്ക് കൾച്ചറൽ കൺവീനർ ശ്രീ കമൽ രാധാകൃഷ്ണന്റെ നേതൃത്വത്തിൽ ശ്രീ ടോമി സിറിയക്, അഡ്വ സുബിൻ അറക്കൽ അംഗങ്ങൾ ആയിട്ടുള്ള ജഡ്ജിങ് പാനൽ കൊടുക്കുന്നു. ക്രീയേറ്റീവ് കിഡ്സ്‌ പ്രോഗ്രാമിനോട് അനുബന്ധിച്ച കുട്ടികൾക്ക് വേണ്ടി മോട്ടിവേഷൻ ക്ലാസുകൾ ശ്രീ ടോമി സിറിയക് ശ്രീമതി ലില്ലി സാജു പാറക്കൽ , എംബിബിസ് നാലാം വർഷ വിദ്യാർത്ഥി ആയ ശ്രീ സാൽവിൻ സാജു പാറക്കൽ എന്നിവർ നടത്തി.
സ്ഥാപക പ്രസിഡന്റ്‌ ശ്രീ മോഹൻ ജോർജ് ന്റെ ഉപദേശത്തോടെ അംഗങ്ങളിൽ നിന്ന് ചാരിറ്റി കളക്ഷൻ നടത്തി ഈ കോവിഡ് പ്രതിസന്ധി ഘട്ടത്തിൽ ജോലി ഇല്ലാത്തതും സാലറി കിട്ടാത്തതും ആയ അംഗങ്ങളുടെ കുടുംബത്തെ സഹായിക്കാൻ 15 നിത്യോപയോഗ സാധനങ്ങൾ അടങ്ങിയ കിറ്റ് വിതരണം നടത്തി. തുടർ മാസങ്ങളിലും കിറ്റ് വിതരണം തുടരും.
ഈകോവിഡ് പ്രതിസന്ധി ഘട്ടത്തിൽ നാട്ടിലേക്കു പോവണോ, പോയാൽ എന്ത് എന്ന വിഷയത്തെ ആസ്പദം ആക്കി പ്രമുഖ ലോക സഞ്ചാരി യും സഫാരി ടീവി ഉടമയും ജേർണലിസ്റ്റും ആയ ശ്രീ സന്തോഷ്‌ ജോർജ് കുളങ്ങരയും പാസ്ടകോസ് അംഗങ്ങളും തമ്മിൽ വേർച്വൽ ആശയ സംവാദം ഏറ്റവും ശ്രെദ്ധ പിടിച്ചുപറ്റി.
ലോക പരിസ്ഥിതി ദിനത്തോട് അനുബന്ധിച്ചു മാതൃ കോളേജിലെ മലയാളം ഡിപ്പാർട്മെന്റ് ആയി സഹകരിച്ചു അംഗങ്ങൾക്ക് അവരുടെ പങ്കാളികൾക്കും വേണ്ടി ഒരു ഓൺലൈൻ പ്രസംഗ മത്സരം നടത്താൻ ഉള്ള അപേക്ഷ ക്ഷണിച്ചു. നിരവധി അംഗങ്ങൾ തയാറായി മുന്നോട്ടു വന്ന് കഴിഞ്ഞു.
തുടർന്നുള്ള ഏല്ലാ വെള്ളിയാഴ്ച കളിലും ഓരോ വേർചുവൽ മീറ്റിംഗ് സമൂഹത്തിലെ വിവിധ മേഖലയിൽ വ്യെക്തി മുദ്ര പതിപ്പിച്ചവരും ആയി നടത്താൻ തീരുമാനിച്ചു. ആദ്യ പടി ആയി ജൂൺ 5 ന് പ്രമുഖ കൃഷി ഗവേഷകൻ ശ്രീ രാജീവ്‌ കല്ലറക്കൽ ആയിട്ടുള്ള ആശയ സംവാദം. ജൂൺ 12 ന് സൂം പാസ്ടകോസ് എക്സിക്യൂട്ടീവ് മീറ്റിംഗ് ജൂൺ 19 ന് പാസ്ടകോസ് അംഗങ്ങളായ അഡ്വ സുബിൻ അറക്കൽ & അഡ്വ ലാൽജി ജോർജ് എന്നിവർ മോഡറേറ്റർ ആയിട്ടുള്ള അംഗങ്ങൾ ക്ക് വേണ്ടി ഉള്ള നിയമവേദി.
