പാലാ കൊല്ലപ്പള്ളിയിൽ റോഡിലെ കുഴിയിൽ വീണ് നിയന്ത്രണം വിട്ട കാർ റോഡരികിലെ തോട്ടിലേക്ക് മറിഞ്ഞ് അപകടം ; അധ്യാപകന് പരിക്ക്

പാലാ : കൊല്ലപ്പള്ളിയിൽ റോഡിലെ കുഴിയിൽ വീണ് നിയന്ത്രണം വിട്ട കാർ റോഡരികിലെ തോട്ടിലേക്ക് മറിഞ്ഞ് അപകടം.

കൊല്ലപ്പള്ളി -മേലുകാവ് റോഡിൽ വാളികുളം കുളത്തിനു സമീപമുള്ള കുഴിയിൽ വീണാണ് അപകടം ഉണ്ടായത്.

അപകടത്തിൽ പരിക്കേറ്റ മുത്തോലി സ്കൂളിലെ അധ്യാപകനായ നീലൂർ സ്വദേശി ജോബിനെ സ്വകാര്യ ആശുപത്രിയിൽ പ്രവേശിപ്പിച്ചു.

ജോബിൻ്റെ ഇരു കൈകൾക്കും തലക്കും പരിക്കേറ്റു. ഒരു കൈയ്ക്ക് 18 തുന്നൽ ഉണ്ട്.

ഇന്ന് രാവിലെ എട്ടരയോടെ സ്കൂളിലേക്ക് പോകും വഴിയാണ് അപകടമുണ്ടായത്.