നവീകരിച്ച പാദുവാ സെൻ്റ് ആൻ്റണീസ് ദൈവാലയത്തിൻ്റെ കുദാശാകർമ്മം 2024 ഓഗസ്റ്റ് 1-ന് വ്യാഴാഴ്‌ച 3 ന് പാലാ രൂപതാധ്യക്ഷൻ ജോസഫ് കല്ലറങ്ങാട്ട് നിർവഹിക്കും..

കോട്ടയം: നവീകരിച്ച പാദുവാ സെൻ്റ് ആൻ്റണീസ് ദൈവാലയത്തിൻ്റെ കുദാശാകർമ്മം 2024 ഓഗസ്റ്റ് 1-ാം തീയതി വ്യാഴാഴ്‌ച 3 ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് നിർവഹിക്കും..തുടർന്ന്, ഓഗസ്റ്റ് 2, 3, 4 തീയതി കളിൽ ഇടവകമധ്യസ്ഥനായ വിശുദ്ധ. അന്തോനീസിൻ്റെ തിരുനാൾ ഭക്ത്യാദര പൂർവ്വം ആഘോഷിക്കും.

ഓഗസ്റ്റ് 2-ാം തീയതി വെള്ളിയാഴ്‌ച വൈകുന്നേരം 20245 ന് തിരുനാൾ കൊടിയേറ്റ്. 3-ാം തീയതി ശനിയാഴ്ച 4.30 ന് ചങ്ങനാശ്ശേരി അതിരൂപത സഹായ മെത്രാൻ മാർ തോമസ് തറയിലും 4-ാം തീയതി ഞായറാഴ്‌ച 4 ന് സീറോ മലബാർ സഭാ കൂരിയ മെത്രാൻ മാർ സെബാസ്റ്റ്യൻ വാണിയപ്പുരയ്ക്കലും തിരുനാൾ കുർബാന അർപ്പിച്ചു സന്ദേശം നല്‌കും..

2024 ഓഗസ്റ്റ് 1-ാം തീയതി വ്യാഴാഴ്‌ച 2. 45 ന് ദൈവാലയകൂദാശാകർമ്മത്തിന് എത്തിച്ചേരുന്ന മാർ ജോസഫ് കല്ലറങ്ങാട്ട് പിതാവിന് സ്വീകരണവും 3.00 ന് ദൈവാലയകൂദാശയും തുടർന്ന് സ്നേഹവിരുന്നും വൈകുന്നേരം 6.30 ന് പാലാ കമ്മ്യൂണിക്കേഷൻസിൻ്റെ ഗാനമേളയും നടത്തപ്പെടുന്നു.

വാർത്ത സമ്മേളനത്തിൽ വികാരി ഫാ. തോമസ് ഓലായത്തിൽ, തിരുനാൾ ജനറൽ കൺവീനർ ജോസഫ് ആൻ്റണി കൈമരപ്ലാക്കൽ, കൈക്കാരന്മാരായ അനീഷ് തോമസ് പള്ളിപ്പുറത്ത്, മാത്യു ജോസഫ് കരിപ്പാമറ്റം, ആന്റണി ചെറിയാൻ കണിപറമ്പിൽ, സാലസ് തോമസ് തൊണ്ടൻകുളം എന്നിവർ പരിപാടികൾ വിശദീകരിച്ചു.