വീണ്ടും പടയപ്പയുടെ വിളയാട്ടം; കെ.എസ്.ആർ.ടി.സി ബസിന്റെ ഗ്ലാസ് തകർത്ത് കാട്ടാന;

സ്വന്തം ലേഖകൻ

ഇടുക്കി : ഇടുക്കിയില്‍ വീണ്ടും കാട്ടാനയുടെ അക്രമം. മൂന്നാറിൽ കെ.എസ്.ആര്‍.ടി.സി ബസിന് നേരെയാണ് ‘പടയപ്പ’ എന്ന കാട്ടാനയുടെ ആക്രമണം ഉണ്ടായത്.

പുലർച്ചെ അഞ്ചരയോടെയാണ് സംഭവം.
മൂന്നാറിൽ നിന്ന് ഉദുമൽപേട്ടക്ക് പോകുന്നതിനിടെയായിരുന്നു ആക്രമണം.

ബസ്സിലുണ്ടായിരുന്നവർക്ക് പരുക്കില്ല.
നേമക്കാട് വെച്ച് മുമ്പും സമാനമായ രീതിയിൽ പടയപ്പയുടെ ആക്രമണം ഉണ്ടായിരുന്നു.

മദപ്പാട് കണ്ടുതുടങ്ങിയ പടയപ്പ ഒരു മാസത്തോളമായി അക്രമാസക്തനാണ്. കൃഷി നശിപ്പിക്കുകയും വാഹനങ്ങൾ ആക്രമിക്കുകയും ചെയ്യുന്നതിനാൽ പ്രദേശത്തെ ജനങ്ങൾ ആശങ്കയിലാണ്.