കോട്ടയം: വൈകുന്നേരങ്ങളെ രസകരവും മനോഹരവുമാക്കാൻ നാടൻ പലഹാരങ്ങള് വലിയ പങ്ക് വഹിക്കുന്നു. പണ്ട് കാലം മുതലേ മലയാളികളുടെ പ്രിയപ്പെട്ട വിഭവങ്ങളില് ഒന്നാണ് കൊഴുക്കട്ട.
സാധാരണ അരിപ്പൊടി ഉപയോഗിച്ച് തയ്യാറാക്കുന്ന കൊഴുക്കട്ടയില് നിന്നും വ്യത്യസ്തമായി റവയും പാലും നേന്ത്രപ്പഴവും ചേർത്തുള്ള പാല്കൊഴുക്കട്ട രുചിയിലും പോഷകത്തിലും മുൻപന്തിയിലാണിത്. കുട്ടികളുടെയും മുതിർന്നവരുടെയും പ്രിയപ്പെട്ട ഈ വിഭവം വളരെ കുറഞ്ഞ സമയത്തിനുള്ളില് വീട്ടില് തയ്യാറാക്കാവുന്നതാണ്.
ചേരുവകള്
Whatsapp Group 1 | Whatsapp Group 2 |Telegram Group
നെയ്യ് – 2 ടേബിള്സ്പൂണ്
നേന്ത്രപ്പഴം – 2
കശുവണ്ടി – 3 ടേബിള്സ്പൂണ്
ഉണക്ക മുന്തിരി – 2 ടേബിള്സ്പൂണ്
റവ – 1/2 കപ്പ്
പഞ്ചസാര – 4 ടേബിള്സ്പൂണ്
പാലു – 2 1/2 കപ്പ്
ഏലയ്ക്ക പൊടി – 1/4 ടീസ്പൂണ്
ഉപ്പ് – 1 നുള്ള്
കോണ്ഫ്ലോർ – 1 ടേബിള്സ്പൂണ്
വെള്ളം – 4 ടേബിള്സ്പൂണ്
തയ്യാറാക്കുന്ന വിധം
ഒരു പാൻ അടുപ്പില് വച്ച് 1 ടേബിള്സ്പൂണ് നെയ്യ് ചൂടാക്കുക. അതിലേക്ക് 3 ടേബിള്സ്പൂണ് ചെറുതായി അരിഞ്ഞ നേന്ത്രപ്പഴവും 2 ടേബിള്സ്പൂണ് ഉണക്ക മുന്തിരിയും ചേർത്ത് വറുക്കുക. വേവിച്ച ശേഷം നേന്ത്രപ്പഴം ചേർത്ത് മാറ്റി വയ്ക്കുക. മറ്റൊരു പാൻ ചൂടാക്കി 1 ടേബിള്സ്പൂണ് നെയ്യ് ചേർത്ത് അര കപ്പ് റവ ചേർത്ത് ഗോള്ഡൻ ബ്രൗണ് വരെ വറുക്കുക. അര കപ്പ് പാലും ചേർത്തു നന്നായി കലർക്കുക. റവ തണുത്ത ശേഷം ചെറിയ ഉരുളകളാക്കി മാറ്റുക. വേവിക്കുന്ന പാത്രത്തില് 2 കപ്പ് പാലു തിളപ്പിക്കുക. 2 ടേബിള്സ്പൂണ് പഞ്ചസാര ചേർത്ത് അലിഞ്ഞു പോവുമ്പോള് 1/4 ടീസ്പൂണ് ഏലയ്ക്ക പൊടിയും ഒരു നുള്ള് ഉപ്പും ചേർക്കുക. 1 ടേബിള്സ്പൂണ് കോണ്ഫ്ലോർ 4 ടേബിള്സ്പൂണ് വെള്ളത്തില് കലക്കി പാല് തിളച്ചപ്പോള് ചേർക്കുക. പാല് കുറുകിയപ്പോള് റവ ഉരുളകളും പഴവും ചേർത്ത് നന്നായി കലർത്തി അടുപ്പില് നിന്ന് മാറ്റി വെയ്ക്കുക.
പാല്കൊഴുക്കട്ട ചൂടോടെ തന്നെ വിളമ്പി കഴിക്കാം. ഇത് കുടുംബാംഗങ്ങള്ക്കും അതുപോലെ വിരുന്നുകാരുടെയും പ്രിയപ്പെട്ട ഒരു വിഭവമാവും. കുറച്ച് സമയവും ലഘുവായ ചേരുവകളും കൊണ്ട് ഒരുക്കാവുന്ന ഈ മധുരം വൈകുന്നേരങ്ങളെ ശരിക്കും മനോഹരമാക്കും.
