തൃശൂര്: മലയാളികളുടെ ഭാവഗായകന് പി ജയചന്ദ്രന് വിടവാങ്ങി. അര്ബുദത്തെ രോഗത്തെ തുടര്ന്ന് തൃശൂര് അമല ആശുപത്രിയിലെ ചികിത്സയ്ക്കിടെ ഇന്ന് വൈകീട്ട് 7.54 നാണ് മരണം സ്ഥിരീകരിച്ചത്. വൈകിട്ട് 7 മണിക്ക് പൂങ്കുന്നത്തെ വീട്ടിൽ കുഴഞ്ഞ് വീഴുകയായിരുന്നു.
മികച്ച ഗായകനുള്ള ദേശീയ, സംസ്ഥാന പുരസ്കാരങ്ങള് നേടിയ ഇദ്ദേഹം മലയാളം, തമിഴ്, കന്നഡ, തെലുങ്ക്, ഹിന്ദി എന്നീ ഭാഷകളില് നിരവധി ശനങ്ങള് ആലപിച്ചിട്ടുണ്ട്. 1944 മാര്ച്ച് മൂന്നിന് സംഗീതജ്ഞനായ തൃപ്പൂണിത്തുറ രവിവര്മ്മ കൊച്ചനിയന് തമ്പുരാന്റെയും സുഭദ്രക്കുഞ്ഞമ്മയുടെയും മൂന്നാമത്തെ മകനായി പാലിയത്ത് ജയചന്ദ്രക്കുട്ടന് എന്ന പി ജയചന്ദ്രന് എറണാകുളം ജില്ലയിലെ രവിപുരത്ത് ജനിച്ചു.
പിന്നീട് കുടുംബം തൃശ്ശൂരിലെ ഇരിങ്ങാലക്കുടയിലേക്ക് താമസം മാറ്റി. കഥകളി, മൃദംഗം ചെണ്ടവായന, പൂരം, പാഠകം, ചാക്യാര്കൂത്ത് എന്നിവയോടെല്ലാം കമ്പമുണ്ടായിരുന്ന പി.ജയചന്ദ്രന് സ്കൂള് കലോത്സവങ്ങളില് സജീവ സാന്നിധ്യമായിരുന്നു. ലളിതസംഗീതത്തിനും മൃദംഗവാദനത്തിനും നിരവധി സമ്മാനങ്ങള് നേടിയിരുന്നു. ഗാനഗന്ധര്വന് യേശുദാസിന്റെ ശബ്ദം സംഗീതലോകം ആഘോഷമാക്കുമ്പോഴായിരുന്ന ജയചന്ദ്രന്റെ വളര്ച്ച.
Whatsapp Group 1 | Whatsapp Group 2 |Telegram Group
എന്നാല്, യോശുദാസിനൊപ്പം ഭാവഗായകനെയും പ്രേക്ഷകര് നെഞ്ചിലേറ്റി. പിന്നീട് കാലത്തിന് സ്പര്ശിക്കാനാവാത്ത നിത്യഹരിതശബ്ദമായി ഓരോ മലയാളിയുടെ മനസിലും മധുചന്ദ്രിക പെയ്തിറങ്ങി. 1965ല് പുറത്തിറങ്ങിയ’കുഞ്ഞാലിമരയ്ക്കാര്’ എന്ന ചിത്രത്തിലെ ‘ഒരുമുല്ലപ്പൂമാലയുമായ് ‘എന്ന ഗാനത്തിലൂടെയായിരുന്നു ഭാവഗായകന്റെ സിനിമ അരങ്ങേറ്റം.
ആ ചിത്രം പുറത്തുവരുന്നതിനു മുന്പ് ദേവരാജന്- പി ഭാസ്കരന്റെ കൂട്ടുകെട്ടില് പിറന്ന ‘മഞ്ഞലയില്മുങ്ങിത്തോര്ത്തി’ എന്ന ഗാനം ജയചന്ദ്രനെ തേടിയെത്തി. ഈ ഗാനം മലയാള സിനിമ സംഗീത ലോകത്ത് ജയചന്ദ്രന് സ്വന്തമായി ഇരിപ്പിടം നല്കി.
മഞ്ഞലയിൽ മുങ്ങിത്തോർത്തി,കരിമുകിൽ കാട്ടിലെ,ശിശിരകാല മേഘമിഥുന
ആലിലത്താലിയുമായ്,നീയൊരു പുഴയായ്’,
‘കണ്ണില് കാശിത്തുമ്പകള്’, ‘പ്രേമിക്കുമ്പോള് നീയും ഞാനും’,’രാസാത്തി ഉന്നെ കാണാതെ’, എന്നിങ്ങനെ പ്രണയം തുളുമ്പുന്ന ഒരുപാട് ഗാനങ്ങള് ഭാവഗായകൻറെ ശബ്ദത്തില് പിറന്നു.
മലയാളത്തില് മാത്രമല്ല തമിഴ്, കന്നഡ, തെലുങ്ക് ഹിന്ദി തുടങ്ങിയ ഭാഷകളിലായി 15000ലധികം ഗാനങ്ങള് ആലപിച്ചിട്ടുണ്ട്. പി എ ബക്കര് സംവിധാനം ചെയ്തനാരായണ ഗുരു എന്ന സിനിമയില് ജി.ദേവരാജന് ഈണം പകര്ന്ന ‘ശിവശങ്കര സര്വ്വശരണ്യവിഭോ’ എന്ന ഗാനത്തിലൂടെ മികച്ച ഗായകനുള്ള ആദ്യ ദേശീയ പുരസ്കാരം ലഭിച്ചു. മികച്ച ഗായകനുള്ള കേരള സംസ്ഥാന ചലച്ചിത്ര പുരസ്കാരം അഞ്ചുതവണ പി. ജയചന്ദ്രനെ തേടിയെത്തി.
തമിഴ് ചലച്ചിത്ര സംഗീതത്തിന് നല്കിയ സംഭാവനകള്ക്കുള്ള അംഗീകാരമെന്ന നിലയില് 1997 ല് തമിഴ്നാട് സര്ക്കാരിന്റെ കലൈമാമണി അവാര്ഡിന് അര്ഹനായി. സംഗീതത്തിന് പുറമെ സിനിമാ അഭിനയത്തിലും ജയചന്ദ്രന്റെ തന്റെ സാന്നിധ്യം അറിയിച്ചിട്ടുണ്ട്. ഹരിഹരന്റെ നഖക്ഷതങ്ങള്, ഓ.രാമദാസിന്റെ കൃഷ്ണപ്പരുന്ത് വി.കെ പ്രകാശ് സംവിധാനം ചെയ്ത ട്രിവാന്ഡ്രം ലോഡ്ജ് എന്നീ സിനിമകളിലും സംഗീത ആല്ബങ്ങളിലും പി.ജയചന്ദ്രന് അഭിനയിച്ചിട്ടുണ്ട്.
