കോട്ടയം: സൗകര്യപ്രദവും ആരോഗ്യകരവുമായ ഒരു ബ്രേക്ഫാസ്റ്റ് വിഭവമാണ് ഓവർ നൈറ്റ് ഓട്സ്. ഇത് തയ്യാറാക്കുവാൻ രാവിലെ നേരത്തെ അടുക്കളയില്‍ കയറേണ്ട.
രാത്രിയില്‍ ഉണ്ടാക്കി ഫ്രിഡ്ജില് തണുപ്പിച്ച്‌ കഴിക്കാവുന്ന വിഭവമാണ് ഓവർ നൈറ്റ് ഓട്സ്.
ഒരു രാത്രി മുഴുവൻ പാലില്‍ ഓട്സ് കുതിർത്ത് കഴിക്കുന്ന ഒരു പ്രഭാതഭക്ഷണമാണ് ഓവർനൈറ്റ് ഓട്സ്. ഇതില്‍ നമ്മുക്കിഷ്ടമുള്ള പഴവർഗങ്ങളും നട്ട്സുകളും ചേർക്കാവുന്നതാണ്. സാധാരണയായി പ്രഭാതഭക്ഷണത്തിന് വിളമ്പുന്ന ഇവ ദിവസത്തിലെ ഏത് സമയത്തും കഴിക്കാം.
Whatsapp Group 1 | Whatsapp Group 2 |Telegram Group
ഹൃദയാരോഗ്യത്തിന് ഓട്സ് വളരെ നല്ലതാണെന്ന് പൊതുവെ കരുതപ്പെടുന്നു. രക്തത്തിലെ പഞ്ചസാരയുടെയും ഇൻസുലിന്റെയും അളവ് കുറയ്ക്കാൻ ഓട്സിനു കഴിയും. ഓട്സില്‍ ലയിക്കുന്ന നാരുകള്‍ രക്തത്തിലെ കൊളസ്‌ട്രോളിന്റെ അളവ് കുറയ്ക്കാൻ സഹായിക്കും. ഓട്സ് വിഘടിച്ച്‌ കുടലില്‍ പുളിപ്പിക്കപ്പെടുമ്പോള്‍ അവ കുടലിന്റെ പ്രവർത്തനങ്ങള്‍ക്ക് ഗുണകരമാണ്.
തയ്യാറാക്കാൻ ആവശ്യമായ വിഭവങ്ങള്‍:
ഓട്സ്, നട്ട്സ്, ഇഷ്ടമുള്ള പഴങ്ങള്‍, ചിയ സീഡ്‌സ്, പാല്‍, തൈര്, മധുരമാവശ്യമെങ്കില്‍ തേൻ ഉപയോഗിക്കാം
ഉണ്ടാകുന്ന വിധം:
ഒരു ജാറിലോ ബൗളിലോ മേല്‍ പറഞ്ഞ ചേരുവകള്‍ ചേർത്ത് ഒരു രാത്രി മുഴുവൻ ഫ്രിഡ്ജില് വയ്ക്കുക. രാവിലെ ഫ്രിഡ്ജില് നിന്നും തണുപ്പ് മാറ്റി കഴിക്കാം.
