ഒറ്റപ്പാലം കാഞ്ഞിരക്കടവിൽ ലോറിയിടിച്ച് സ്‌കൂട്ടർ യാത്രിക മരിച്ചു

പാലക്കാട് : ഒറ്റപ്പാലം കാഞ്ഞിരക്കടവിൽ ലോറിയിടിച്ച് സ്‌കൂട്ടർ യാത്രിക മരിച്ചു. നെല്ലിക്കുറിശ്ശി മുളഞ്ഞൂർ സ്വദേശി വന്ദന(35)യാണ് മരിച്ചത്.

Link

Embed

Copy and paste this HTML code into your webpage to embed.

ശനിയാഴ്‌ച രാവിലെ 11.40-ഓടെയായിരുന്നു അപകടം സ്‌കൂട്ടറും ലോറിയും ഒരേദിശയിൽ പോവുകയായിരുന്നു. ഇതിനിടെ ലോറി സ്‌കൂട്ടറിനെ മറികടക്കാൻ ശ്രമിച്ചു. എന്നാൽ, എതിർദിശയിൽ നിന്ന് കാർ വന്നതോടെ ലോറി വീണ്ടും ഇടതുഭാഗത്തേക്ക് തിരിച്ചതോടെ സ്കൂട്ടറിലിടിക്കുകയായിരുന്നു.

ലോറിയിടിച്ചതോടെ സ്‌കൂട്ടർ ഓടിച്ചിരുന്ന വന്ദന ലോറിക്കടിയിലേക്ക് വീഴുകയായിരുന്നു . പിന്നാലെ ലോറിയുടെ പിൻചക്രങ്ങൾ യുവതിയുടെ ശരീരത്തിലൂടെ കയറിയിറങ്ങുകയും തൽക്ഷണം മരിക്കുകയുമായിരുന്നു.