ഓർത്തഡോക്സ് സഭയുടെ ആയുർവേദ ആശുപത്രി കോട്ടയം പരുത്തുംപാറയ്ക്ക് സമീപം ചാന്നാനിക്കാട്ട്: ഉദ്ഘാടനം നാളെ മന്ത്രി വി.എൻ. വാസവൻ

കോട്ടയം : ഓർത്തഡോക്സ് സഭ പരുത്തുംപാറ ചാന്നാനിക്കാട്ട് ആരംഭിക്കുന്ന സമ്പൂർണ സൗഖ്യ’ ആയുർവേദ ആശുപത്രിയുടെ ഉദ്ഘാടനം നാളെ (ബുധൻ) 10.30നു മന്ത്രി വി.എൻ. വാസവൻ നിർവ ഹിക്കും.

പരിശുദ്ധ ബസേലിയോസ് മാർത്തോമ്മാ മാത്യൂസ് തൃതിയൻ കാതോലിക്കാ ബാവാ അധ്യക്ഷത വഹിക്കും. തിരുവഞ്ചൂർ രാധാകൃഷ്ണൻ എം എൽഎ പ്രസംഗിക്കും.

ജീവിതശൈലീരോഗങ്ങൾ ഉൾപ്പെടെ എല്ലാ അസുഖങ്ങൾക്കും ചികിത്സ ലഭ്യമാണ്. പഞ്ചകർമ തെറപ്പിസ്‌റ്റുകളുടെ സേവനം ലഭിക്കും.

ഞായർ ഒഴികെയുള്ള ദിവസങ്ങളിൽ രാവിലെ 9 മുതൽ വൈകിട്ട് 4.30 വരെയാണു പ്രവർത്തനം.

മെഡിക്കൽ ഡയറക്‌ടറും ചീഫ് ഫിസിഷ്യനുമായി ഡോ. രാജു ഫിലിപ് ചുമതലയേറ്റു. ഡോ. പ്രെറ്റി സൂസൻ ജോബ്, ഡോ. എലിസബത്ത് ജേക്കബ് എന്നിവരുടെ സേവനവുമുണ്ട്