ചുമതലയേറ്റ് ആദ്യ തീരുമാനവുമായി മന്ത്രി ഒ ആർ കേളു ; പട്ടിക വര്‍ഗക്കാരുടെ ചികില്‍സാ സഹായ വിതരണ നടപടികള്‍ ഓണ്‍ലൈൻ വഴി നടപ്പാക്കും
തിരുവനന്തപുരം : പട്ടിക വർഗക്കാരുടെ ചികില്‍സാ സഹായ വിതരണ നടപടികള്‍ ഓണ്‍ലൈൻ വഴി നടപ്പാക്കാൻ മന്ത്രി ഒ ആർ കേളുവിൻ്റെ ആദ്യ തീരുമാനം.
മന്ത്രിയായി ചുമതലയേറ്റ ശേഷം വകുപ്പ് അധ്യക്ഷന്മാരും ഉന്നത ഉദ്യോഗസ്ഥരുമായി നടത്തിയ യോഗത്തിലാണ് ജനങ്ങള്‍ക്ക് കൂടുതല്‍ സഹായകരമായ ഈ തീരുമാനമെടുത്തത്.
ചികില്‍സാ സഹായ വിതരണ നടപടികള്‍ കൂടുതല്‍ വേഗത്തിലും കാര്യക്ഷമമായും നടപ്പാക്കുന്നതിന് ഇത് സഹായിക്കുമെന്ന് മന്ത്രി ഒ ആർ കേളു പറഞ്ഞു. പട്ടിക വിഭാഗക്കാർക്കുള്ള ചികില്‍സാ സഹായ വിതരണം കൂടുതല്‍ ത്വരിതപ്പെടുത്തുമെന്നും മന്ത്രി വ്യക്തമാക്കി.
Whatsapp Group 1 | Whatsapp Group 2 |Telegram Group
അതേസമയം വയനാട്ടിലെ വകുപ്പുമായി ബന്ധപ്പെട്ട ക്ഷേമ പദ്ധതികള്‍ വേഗത്തിലാക്കുമെന്ന് നിയുക്ത മന്ത്രിയായി സ്ഥാനമേറ്റ ഒ ആർ കേളു പറഞ്ഞു .കാര്യങ്ങള്‍ പഠിച്ചു പ്രവർത്തിക്കുമെന്നും മേഖലയില്‍ ആഴത്തില്‍ ഇറങ്ങി പ്രവർത്തനം നടത്താൻ ആണ് ഉദേശിക്കുന്നത് എന്നും അദ്ദേഹം പറഞ്ഞു.
