സ്വന്തം ലേഖിക
തിരുവനന്തപുരം: സംസ്ഥാനത്ത് കേരള പൊലീസ് നടത്തിയ ഓപറേഷന് കാവല് റെയ്ഡില് ഇതുവരെ പിടിയിലായത് 13,032 ഗുണ്ടകള്.
215 പേര്ക്കെതിരെ കേസെടുത്തു. ഡിസംബര് 18 മുതല് ജനുവരി ഒമ്പതു വരെയുളള കണക്കാണിത്.
Whatsapp Group 1 | Whatsapp Group 2 |Telegram Group
പോലീസ് സംസ്ഥാന വ്യാപകമായി 16,680 സ്ഥലങ്ങളില് റെയ്ഡ് നടത്തി. 5,987 മൊബൈല് ഫോണുകള് പരിശോധനയ്ക്കായി പിടിച്ചെടുത്തു. ജാമ്യവ്യവസ്ഥകള് ലംഘിച്ച 61 പേരുടെ ജാമ്യം റദ്ദാക്കാന് നടപടി സ്വീകരിച്ചതായും പൊലീസ് ഇന്ഫര്മേഷന് സെന്ററില് നിന്ന് അറിയിച്ചു.
ഏറ്റവും കൂടുതല് ഗുണ്ടകള് അറസ്റ്റിലായത് തിരുവനന്തപുരം റൂറലിലാണ്, 1506 പേര്. ആലപ്പുഴയില് 1322 പേരും കൊല്ലം സിറ്റിയില് 1054 പേരും പാലക്കാട് 1023 പേരും അറസ്റ്റിലായി.
കാസര്കോട് 1020 പേരും പിടിയിലായി. ഏറ്റവും കൂടുതല് മൊബൈല് ഫോണുകള് പിടിച്ചെടുത്തതും തിരുവനന്തപുരം റൂറലില് നിന്നാണ്, 1103 എണ്ണം.
ഗുണ്ടകള്ക്കെതിരെ നടത്തിവരുന്ന റെയ്ഡുകള് ശക്തമായി മുന്നോട്ടു കൊണ്ടുപോകാന് സംസ്ഥാന പോലീസ് മേധാവി അനില്കാന്ത് നിര്ദ്ദേശം നല്കി.
കഴിഞ്ഞ രണ്ട് മാസത്തിനിടെ തിരുവനന്തപുരത്ത് നടന്നത് 21 ഗുണ്ടാ ആക്രമങ്ങളാണ്. ഗുണ്ടാ നിയമം നോക്കുകുത്തിയായതും പൊലീസിന്റെ കെടുകാര്യസ്ഥതയുമാണ് തലസ്ഥാനത്ത് ഗുണ്ടാ വിളയാട്ടങ്ങള് കൂടാന് കാരണം.
