‘മുൻ മുഖ്യമന്ത്രി ഉമ്മൻചാണ്ടിയുടെ പേരിൽ നിർമ്മിച്ചിരിക്കുന്ന ഓഫീസ് ‘ഉമ്മൻചാണ്ടി ഭവൻ്റെ’ ഉദ്ഘാടനം മാർച്ച് 1 ശനിയാഴ്ച വൈകുന്നേരം 4 മണിക്ക് പ്രതിപക്ഷ നേതാവ് വി.ഡി സതീശൻ നിർവഹിക്കും; ഒപ്പം പാർട്ടിയുടെ പ്രമുഖ നേതാക്കളും പരിപാടിയിൽ പങ്കെടുക്കും; വൈകിട്ട് 7 മണിക്ക് കൊച്ചിൻ കലാഭവൻ അവതരിപ്പിക്കുന്ന സൂപ്പർ ഹിറ്റ് ഗാനമേളയും ഉണ്ടായിരിക്കും

കോട്ടയം: ഇന്ത്യയിലെ ഏറ്റവും വലിയ ബൂത്ത്‌ കോൺഗ്രസ്‌ കമ്മിറ്റി ഓഫീസായി മുൻ മുഖ്യമന്ത്രി ഉമ്മൻ ചാണ്ടിയുടെ പേരിൽ (ഉമ്മൻ ചാണ്ടി ഭവൻ) നിർമിച്ചിരിക്കുന്ന ഓഫീസ് മാർച്ച്‌ 1ന് വൈകുന്നേരം 4 മണിക്ക് പ്രതിപക്ഷനേതാവ് വി ഡി സതിശൻ ഉദ്ഘാടനം ചെയ്യും.

പാർട്ടിയുടെയും പോഷകസംഘടനകളുടെയും ഘടക കക്ഷികളുടെയും പ്രമുഖ നേതാക്കൾ പങ്കെടുക്കുന്ന ഈ ചടങ്ങിലേക്ക് ഏവരെയും സ്വാഗതം ചെയ്യുന്നു.

പാർട്ടിയുടെ മുൻ വാർഡ് പ്രസിഡന്റും നിലവിൽ ബ്ലോക്ക് കോൺഗ്രസ്‌ കമ്മിറ്റി ജനറൽ സെക്രട്ടറിയുമായ AD ബാബു മറ്റംകോട്ടിൽ സൗജന്യമായി നൽകിയ സ്ഥലത്ത് കോൺഗ്രസ്‌ പാർട്ടിയുടെ മുൻ നേതാക്കളായ പി ഐ മത്തായി പയ്യപ്പിള്ളിൽ മെമ്മോറിയൽ ഓഫീസും ഓ സി ജോസഫ് മെമ്മോറിയൽ ഹാളുമായാണ് നിർമ്മാണം പൂർത്തീകരിച്ചിരിക്കുന്നത്.