ഓണം ബംബർ ലോട്ടറി വിജയി തമിഴ്നാട് സ്വദേശിയായതിൽ അതിശയമില്ല; കേരളത്തിൽ മലയാളികളേക്കാൾ ലോട്ടറി വാങ്ങുന്നതിൽ ആവേശം ഇതര സംസ്ഥാന തൊഴിലാളികൾക്ക് . 

സ്വന്തം ലേഖകൻ

കോട്ടയം : ഓണം ബംബർ ലോട്ടറി വിജയി തമിഴ്നാട് സ്വദേശിയായതിൽ അതിശയമില്ല. കേരളത്തിൽ മലയാളികളേക്കാൾ ലോട്ടറി വാങ്ങുന്നതിൽ ആവേശം ഇതര സംസ്ഥാന തൊഴിലാളികൾക്ക് .

കോട്ടയം പായിപ്പാട് താമസിക്കുന്ന ബംഗാളി തൊഴിലാളികൾ 5000 നുമേൽ ഓണം ബമ്പർ ലോട്ടറികളാണ് വാങ്ങിക്കൂട്ടിയത്. ബമ്പർ ലോട്ടറികൾ കൂട്ടം ചേർന്നും മറ്റു സാധരണ ലോട്ടറികൾ തനിയെ വാങ്ങുകയും ചെയ്യുന്നതാണ് ഇവരുടെ പതിവ്.

അവധി ദിവസങ്ങളിൽ ഇവർ കൂട്ടമായി ലോട്ടറി കടകളിലേക്ക് വരാറുണ്ടെന്നു കച്ചവടക്കാർ പറയുന്നു. പായിപാട് , ചങ്ങനാശ്ശേരി, കോട്ടയം ഇവിടങ്ങളിൽ ഇതര സംസ്ഥാനക്കാർ ഏറെയുള്ളതിനാൽ ലോട്ടറി വിൽപന കൂടുതലാണ്.