സ്വന്തം ലേഖകൻ
പുതുപ്പള്ളി: അധ്യാപക സഹകരണബാങ്കിന്റെ ഓഡിറ്റോറിയത്തിൽ ഉമ്മൻ ചാണ്ടി ഗ്രൂപ്പിന്റെ രഹസ്യ യോഗം. ഇന്ന് രാവിലെ പതിനൊന്ന് മണിമുതലാണ് ഉമ്മൻ ചാണ്ടി ഗ്രൂപ്പിന്റെ യോഗം പുതുപ്പള്ളിയിൽ ആരംഭിച്ചത്.
കോൺഗ്രസിന്റെ പുനസംഘടന അടുത്ത ദിവസം തന്നെ പ്രഖ്യാപിക്കുന്നതിനുള്ള നീക്കങ്ങൾ സജീവമായിട്ടുണ്ട്. ജില്ലയിലടക്കം എ ഗ്രൂപ്പിന് അർഹമായ പ്രാതിനിധ്യം ലഭിക്കില്ലെന്ന് ഗ്രൂപ്പിലെ ഒരു വിഭാഗം ആരോപിക്കുന്നുണ്ട്.
Whatsapp Group 1 | Whatsapp Group 2 |Telegram Group
ഇതിന്റെ ഭാഗമായി തുടർനടപടികൾ ആലോചിക്കുന്നതിനായാണ് യോഗം ചേരുന്നതെന്നാണ് ലഭിക്കുന്ന സൂചന.
ജില്ലാ കോൺഗ്രസ് കമ്മിറ്റി സമർപ്പിച്ച പുനസംഘടനാ പട്ടികയിൽ പോലും എഗ്രൂപ്പുകാരെയും, പുതുപ്പള്ളിയിൽ നിന്നുള്ളവരെയും പരിഗണിച്ചില്ലെന്നും പരാതി ഉയർന്നിട്ടുണ്ട്.
ഗ്രൂപ്പ് യോഗങ്ങൾ പാടില്ലെന്ന കെപിസിസിയുടെ നിർദ്ദേശം ലംഘിച്ചാണ് പുതുപ്പള്ളിയിൽ ഉമ്മൻചാണ്ടി ഗ്രൂപ്പിന്റെ യോഗം നടക്കുന്നത്.
