![പുതുതായി ഒമിക്രോണ് സ്ഥിരീകരിച്ചവരുടെ സമ്പര്ക്കപ്പട്ടിക തയ്യാറാക്കാന് ആരോഗ്യ വകുപ്പ്; സംസ്ഥാനത്ത് ജാഗ്രത കടുപ്പിക്കും പുതുതായി ഒമിക്രോണ് സ്ഥിരീകരിച്ചവരുടെ സമ്പര്ക്കപ്പട്ടിക തയ്യാറാക്കാന് ആരോഗ്യ വകുപ്പ്; സംസ്ഥാനത്ത് ജാഗ്രത കടുപ്പിക്കും](https://i0.wp.com/thirdeyenewslive.com/storage/2021/12/n3409354281639363803648cb3a79ffd3d7dfb8946bd7f2c9e8e15afa0c7c6ab3bf5bb9556d155928ffd244-1.jpg?fit=1024%2C818&ssl=1)
പുതുതായി ഒമിക്രോണ് സ്ഥിരീകരിച്ചവരുടെ സമ്പര്ക്കപ്പട്ടിക തയ്യാറാക്കാന് ആരോഗ്യ വകുപ്പ്; സംസ്ഥാനത്ത് ജാഗ്രത കടുപ്പിക്കും
സ്വന്തം ലേഖിക
തിരുവനന്തപുരം: സംസ്ഥാനത്ത് പുതുതായി ഒമിക്രോണ് രോഗബാധ സ്ഥിരീകരിച്ചവരുടെ സമ്പര്ക്കപ്പട്ടിക തയ്യാറാക്കാന് ആരോഗ്യവകുപ്പിൻ്റെ തീരുമാനം.
രോഗം സ്ഥിരീകരിച്ച തിരുവനന്തപുരത്തും എറണാകുളത്തും ജാഗ്രത കടുപ്പിക്കും. ഇന്നലെ നാല് പേര്ക്ക് കൂടി ഒമിക്രോണ് സ്ഥിരീകരിച്ചു.
Whatsapp Group 1 | Whatsapp Group 2 |Telegram Group
ഇതോടെ കേരളത്തില് ഒമിക്രോണ് സ്ഥിരീകരിച്ചവരുടെ എണ്ണം അഞ്ചായി. സംസ്ഥാനത്ത് അതീവ ജാഗ്രത വേണമെന്ന് ആരോഗ്യമന്ത്രി വീണാ ജോര്ജ് അറിയിച്ചു.
നേരത്തെ രോഗം സ്ഥിരീകരിച്ച എറണാകുളം സ്വദേശിയുടെ ഭാര്യയ്ക്കും ഭാര്യാമാതാവിനുമാണ് രോഗബാധ. യുകെയില് നിന്ന് തിരുവനന്തപുരത്ത് വന്ന 22-കാരിയും, കോംഗോയില് നിന്ന് എറണാകുളത്തെത്തിയ 34-കാരനുമാണ് ഒമിക്രോണ് ബാധിതരായ മറ്റ് രണ്ട് പേര്.
50 മുതല് 200 ശതമാനം വരെയാണ് ദക്ഷിണാഫ്രിക്കയടക്കമുള്ള രാജ്യങ്ങളില് ഒരാഴ്ച കൊണ്ട് മാത്രം കേസുകളുടെ വളര്ച്ച. ഒമിക്രോണ് സ്ഥീരികരിച്ച രാജ്യങ്ങളുടെ എണ്ണവും പെട്ടെന്ന് കൂടുകയാണ്.
കേരളത്തിലാകട്ടെ നിലവില് കോവിഡ് കേസുകള് മുന് ആഴ്ചകളെ അപേക്ഷിച്ച് കുറഞ്ഞുവരുന്ന സ്ഥിതിയിലാണ്.
വ്യാപനശേഷി കൂടിയ ഒമിക്രോണ് വകഭേദം എത്താനിടയായാല് കേസുകള് പെട്ടെന്ന് കൂടി സ്ഥിതി മാറുമെന്നതാണ് പ്രധാന ആശങ്ക. പുതിയ വകഭേദം വാക്സിനേഷനെ മറികടക്കുമോ എന്നതും വലിയ ആശങ്കയായി തുടരുന്നു.