ഓഹരി സൂചികകൾ ഇന്ന് കനത്ത നഷ്ടത്തിൽ അവസാനിച്ചു: നിക്ഷേപകർ വ്യാപകമായി ഓഹരികൾ വിറ്റ് ലാഭമെടുത്തതാണ് വിപണി നഷ്ടത്തിലാവാൻ കാരണം

സ്വന്തം ലേഖകൻ

മുംബൈ: ഓഹരി സൂചികകൾ ഇന്ന് കനത്ത നഷ്ടത്തിൽ അവസാനിച്ചു. ഓഹരി വിപണി 416.46 പോയന്റ് നഷ്ടത്തിൽ 41,528.91ലും നിഫ്റ്റി 127.90 പോയന്റ് താഴ്ന്ന് 12224.50ലുമാണ് വ്യാപാരം അവസാനിച്ചത്.

ബിഎസ്ഇയിലെ 1555 ഓഹരികൾ നഷ്ടത്തിലാണ്. 944 കമ്പനികളുടെ ഓഹരികൾ നേട്ടത്തിലവണ് . എന്നാൽ 176 ഓഹരികൾ മാറ്റമില്ലാതെ തുടരുകയുമാണ്. ബിഎസ്ഇ മിഡക്യാപ് സൂചിക 0.6 ശതമാനവും സ്‌മോൾ ക്യാപ് സൂചിക 0.4ശതമാനവും താഴുകയും ചെയ്തു.

പവർഗ്രിഡ് കോർപ്, ഭാരതി എയർടെൽ, ഭാരതി ഇൻഫ്രടെൽ, ഗെയിൽ, ഐടിസി തുടങ്ങിയ ഓഹരികൾ നേട്ടത്തിലാണ് അവസാനിച്ചു. വിപണിയെ നഷ്ടത്തിലാക്കിയത് കൊട്ടക് മഹീന്ദ്ര ബാങ്ക്, സീ എന്റർടെയ്ൻമെന്റ്, ഐഒസി, കോൾ ഇന്ത്യ, റിലയൻസ് എന്നീ ഓഹരികളാണ്. നിക്ഷേപകർ വ്യാപകമായി ഓഹരികൾ വിറ്റ് ലാഭമെടുത്തതാണ് വിപണി നഷ്ടത്തിലാവാൻ പ്രധാന കാരണം.