സഹസംവിധായകനും നടനുമായ ഒ. വിജയൻ അന്തരിച്ചു

തൃശ്ശൂർ: സിനിമ സഹസംവിധായകനും നടനുമായ ഒ. വിജയൻ (76) അന്തരിച്ചു.

പി. എ. തോമസ്, വിൻസെന്റ്, കമല്‍, കൊച്ചിൻ ഹനീഫ്, കെ. എസ്. ഗോപാലകൃഷ്ണൻ, ഒ. രാമദാസ് എന്നീ സംവിധായകർക്കൊപ്പം
പ്രവർത്തിച്ചിട്ടുണ്ട്. 30-ലേറെ സിനിമകളിലും 12-ലേറെ ടെലിവിഷൻ സീരിയലുകളിലും അഭിനയിച്ചിട്ടുണ്ട്.

ചെറുപ്പകാലം മുചല്‍ കലാസാംസ്കാരിക രംഗങ്ങളില്‍ സജീവമായിരുന്നു.
കണ്ടേങ്കാവില്‍ പരേതനായ കുട്ടപ്പൻ നായരുടെയും ഒറോംപുറത്ത് പരേതയായ നാരായണിയമ്മയുടെയും മകനാണ്.

സംസ്കാര ചടങ്ങ് പാറമേക്കാവ് ശാന്തിഘട്ടില്‍ ബുധനാഴ്ച രാവിലെ 10ന് നടക്കും.

ഭാര്യ: മണലൂർ മുരിയങ്ങാട്ടില്‍ പദ്മജം. മകൻ: വിജീഷ്, മരുമകള്‍: രമ്യ. സഹോദരങ്ങള്‍: ഒ. രാമചന്ദ്രൻ, ഒ. പദ്മാവതി, പരേതനായ സംവിധായകൻ ഒ. രാമദാസ്, ഒ. ബാലകൃഷ്ണൻ.