ബൈക്കില്‍ നിന്നിറങ്ങിയ ശേഷം വസ്ത്രങ്ങള്‍ ഒന്നൊന്നായി അഴിച്ചുമാറ്റി; വഴിമാറി പോകാന്‍ ശ്രമിച്ചപ്പോള്‍ തടഞ്ഞു; പൊന്‍കുന്നത്ത് വഴിയാത്രക്കാരിയായ യുവതിക്കുനേരെ നഗ്‌നതാ പ്രദര്‍ശനവും അതിക്രമവും

കോട്ടയം: പൊന്‍കുന്നത്ത് വഴിയാത്രക്കാരിയായ യുവതിക്കു നേരെ നഗ്‌നതാ പ്രദര്‍ശനവും അതിക്രമവും.

കുഴിക്കാട്ടുപടി ബൈപാസിലാണ് സംഭവം. യുവതിയുടെ പരാതിയില്‍ പൊന്‍കുന്നം പൊലീസ് അന്വേഷണം തുടങ്ങി റോഡിലൂടെ നടന്നുവരികായയിരുന്ന യുവതിയെ ബൈക്കിലെത്തി തടഞ്ഞശേഷമായിരുന്നു പരാക്രമം .

ബൈക്കില്‍ നിന്നിറങ്ങിയ ശേഷം അക്രമി വസ്ത്രങ്ങള്‍ ഒന്നൊന്നായി അഴിച്ചുമാറ്റി. വഴിമാറി പോകാന്‍ ശ്രമിച്ചപ്പോള്‍ തടഞ്ഞു. ഒടുവില്‍ ഓടി രക്ഷപ്പെടാന്‍ നോക്കിയപ്പോള്‍ ഇയാള്‍ ആക്രമണത്തിനും മുതിര്‍ന്നു.

അലമുറയിട്ട് ഓടിയ യുവതി ഒടുവില്‍ തൊട്ടടത്തുള്ള വീട്ടില്‍ അഭയം തേടി. വീട്ടുകാര്‍ എത്തിയപ്പോഴേക്കും അക്രമി ബൈക്കില്‍ കയറി രക്ഷപ്പെട്ടിരുന്നു. യുവതി പൊന്‍കുന്നം പൊലീസില്‍ പരാതി നല്‍കി.