തൃശ്ശൂർ: കുപ്രസിദ്ധ മോഷ്ടാവ് ബാലമുരുകന് ജയില് പരിസരത്ത് നിന്നും കടന്നുകളഞ്ഞതില് തമിഴ്നാട് പൊലീസ് ഉദ്യോഗസ്ഥര്ക്കെതിരെ കേസെടുക്കും.
സംഭവത്തില് തമിഴ്നാട് പൊലീസിന്റെ ഭാഗത്ത് നിന്നും ഗുരുതര വീഴ്ചയുണ്ടായെന്നാണ് വിലയിരുത്തല്.
തെളിവെടുപ്പിന് കൊണ്ടുപോയ പ്രതിയെ സ്വകാര്യ കാറില് തിരികെയെത്തിച്ചതും കൈവിലങ്ങണിയിക്കാതെ പുറത്തുവിട്ടതും കടുത്ത വീഴ്ചയാണെന്നാണ് കണ്ടെത്തല്.
Whatsapp Group 1 | Whatsapp Group 2 |Telegram Group
ബന്ദല്കുടി എസ്ഐ നാഗരാജനും മറ്റു രണ്ട് പൊലീസ് ഉദ്യോഗസ്ഥര്ക്കുമെതിരെയാണ് കേസെടുക്കുക. ബാലമുരുകന് രക്ഷപ്പെട്ടത് തമിഴ്നാട് പൊലീസ് കേരള പൊലീസിനെ അറിയിക്കാന് വൈകിയതും വീഴ്ചയാണ്.
ബാലമുരുകന് കസ്റ്റഡിയില് നിന്നും രക്ഷപ്പെട്ട് ഏകദേശം ഒരു മണിക്കൂര് കഴിഞ്ഞാണ് തമിഴ്നാട് പൊലീസ് വിയ്യൂര് പൊലീസിനെ വിവരം അറിയിച്ചത്.
ബാലമുരുകനെതിരെ തമിഴ്നാട്ടില് രജിസ്റ്റര് ചെയ്ത കേസില് കോടതിയില് ഹാജരാക്കി വിയ്യൂരിലേക്ക് കൊണ്ടുവരുന്നതിനിടെയാണ് ഇന്നലെ രാത്രി പത്തരയോടെ പ്രതി ചാടിപ്പോയത്. കവര്ച്ച, കൊലപാതക ശ്രമം ഉള്പ്പെടെ 53 കേസുകളിലെ പ്രതിയാണ് ബാലമുരുകന്.
ബാലമുരുകനെ കാണാതാകുന്ന സമയം കറുപ്പ് നിറത്തിലുള്ള ഷർട്ടും വെള്ള മുണ്ടുമായിരുന്നു വേഷം. ഇയാളെക്കുറിച്ച് എന്തെങ്കിലും വിവരം ലഭിക്കുന്നവർ വിയ്യൂർ എസ്എച്ച്ഒയുടെ നമ്ബറില് ബന്ധപ്പെടേണ്ടതാണ്. 9497947202
